اۋا رايىنىڭ قولايسىزدىعىنا بايلانىستى استانا حالىقارالىق اۋەجايى ەسكەرتۋ جاريالادى، دەپ حابارلادى اۋەجايدىڭ باسپا ءسوز قىزمەتى.
10 قاڭتاردا اۋا رايىنىڭ بۇزىلۋىنا بايلانىستى ەسكەرتۋ جاريالاندى.
بۇگىن ساعات 14:00-20:00 ارالىعىندا جەلدىڭ جىلدامدىعى 22 م/س-دان 27 م/س-عا دەيىن جەتۋى مۇمكىن. مۇنداي اۋا رايىندا اۋە رەيستەرى توقتاتىلۋى نەمەسە كەشىگۋى مۇمكىن. ءقازىر اۋە ايلاعىندا قالىڭ قار جاۋىپ، جەلدىڭ ەكپىنى 15 م/س-عا جەتتى، - دەپ جازىلعان حابارلامادا.
بۇگىن ەلوردا اۋەجايىندا 75 رەيس جوسپارلانعان. 7 رەيس تەحنيكالىق سەبەپكە بايلانىستى كەشىگىپ جاتىر. اۋا رايىنىڭ قولايسىزدىعىنا بايلانىستى رەيستەردىڭ كەشىگۋى نەمەسە شەگەرىلۋى تىركەلمەدى.
اۋەايلاقتى قاردان تازارتۋ جۇمىسى ۇزدىكسىز ءجۇرىپ جاتىر. وعان 10 ارنايى تەحنيكا جۇمىلدىرىلدى.
رەيستەر