پوليسيا جۇمىسپەن قامتۋ جانە جىلجىمايتىن مۇلىك پەن اۆتوكولىك سالاسىنداعى الاياقتىق ءۇشىن بۇرىن ۇستالعان الاياقتار توبىنا قاتىستى قىلمىستىق ءىس قوزعادى، – دەپ حابارلايدى almaty-akshamy.kz
ماڭعىستاۋ وبلىسى پوليسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى وتكەن جىلى جەدەل-ىزدەستىرۋ ءىس-شارالارىن جۇرگىزۋ بارىسىندا الاياقتىق فاكتىسىن انىقتادى.
قاسكويلەر مۇناي كومپانيالارىنىڭ بىرىنە جۇمىسقا ورنالاستىرۋ، سونداي-اق اۆتوكولىكتەر مەن جىلجىمايتىن مۇلىكتى الىپ-ساتۋ سىلتاۋىمەن 112 ملن تەڭگەدەن استام قاراجاتتى يەمدەنگەن.
– بۇگىندە پوليسياعا رەسپۋبليكانىڭ ءار وڭىرىنەن 20 ادام ارىزبەن جۇگىندى. ۇستالعانداردىڭ تۇرعىلىقتى جەرى مەن جۇمىس ورنى بويىنشا ءتىنتۋ جۇرگىزىلدى. زاتتاي دالەلدەمەلەر تاركىلەندى. قازىرگى ۋاقىتتا توپتىڭ ءۇش مۇشەسى قاماۋدا. قاجەتتى تەرگەۋ شارالارى جۇرگىزىلىپ جاتىر. ولار ۇيىمداسقان قىلمىستىق توپتى قۇرىپ، ونى باسقاردى جانە وعان قاتىستى دەپ ايىپتالۋدا. تەرگەۋ مۇددەسى ءۇشىن وزگە مالىمەتتەر جاريا ەتىلمەيدى، – دەدى ق ر ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.