بۇرىنعى قۇجاتتار ەلوردانىڭ جاڭا اتاۋى كورسەتىلگەن قۇجاتتارمەن قاتار زاڭدى كۇشىنە يە بولادى.
ق ر ادىلەت ءمينيسترى قانات مۋسين ەلوردانىڭ بۇرىنعى اتاۋىن قايتارۋ ازاماتتارعا قۇجاتتارىن شۇعىل تۇردە اۋىستىرۋدى تالاپ ەتپەيتىنىن ايتتى، دەپ حابارلايدى Almaty-akshamy.kz
«استانانىڭ اتاۋىن وزگەرتۋ ازاماتتارعا قۇقىق بەلگىلەيتىن قۇجاتتاردى اۋىستىرۋ جونىندەگى مىندەتتى جۇكتەمەيدى. بۇرىن الىنعان قۇجاتتار ەلوردانىڭ جاڭا اتاۋى كورسەتىلگەن قۇجاتتارمەن قاتار زاڭدى كۇشىنە يە بولادى. وسى ورايدا ازاماتتارعا قۇجاتتارىن شۇعىل تۇردە اۋىستىرۋىنىڭ قاجەتى جوق. قۇجاتتاردا ەلوردانىڭ بۇرىنعى اتاۋىن كورسەتۋ ولاردىڭ جارامسىزدىعىنا اكەلمەيدى. سوندىقتان قازىرگى قولدارىنداعى قۇجاتتاردى پايدالانۋعا بولادى»، - دەپ ءتۇسىندىردى ق. مۋسين.
ونىڭ ايتۋىنشا، قالالىق ءماسليحات ەلوردانىڭ بۇرىنعى اتاۋىن قايتارۋدى تالقىلاۋ كەزىندە قوسىمشا شىعىندار بولمايتىنىن مالىمدەگەن. عيماراتتارداعى اتاۋلاردى شۇعىل تۇردە اۋىستىرۋدىڭ ەشقانداي قاجەت جوق. بۇل جۇمىستار جوسپارلى تۇردە اتقارىلادى.
«قازىرگى كەزدە قۇجات اينالىم سيفرلىق فورماتتا جۇرگىزىلگەننەن كەيىن، بۇل باعىتتا دا قوسىمشا شىعىندار بولمايدى»، - دەدى مينيستر.