قىرعىزستان مەن تاجىكستان ءسىم باسشىلارى كەلىسسوزدەر جۇرگىزدى.
قىرعىزستان ءسىم تاجىكستاننىڭ سىرتقى ىستەر مينيسترلىگىنە زاڭسىز جانە دەسترۋكتيۆتى ارەكەتتەر تۋرالى نارازىلىق نوتاسىن تابىس ەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
«قىرعىز تاراپى 16 قىركۇيەكتە بۇرىن قول جەتكىزىلگەن بارلىق ۋاعدالاستىقتارعا قاراماستان، تاجىك تاراپى قارۋلى كۇشتەردى، اۋىر اسكەري تەحنيكانى پايدالانا وتىرىپ، قىرعىز رەسپۋبليكاسىنىڭ باتكەن وبلىسىنىڭ باتكەن جانە لەيلەك اۋداندارىنداعى قىرعىز-تاجىك مەملەكەتتىك شەكاراسىنىڭ بۇكىل پەريمەترى بويىنشا شەكارالىق جانە ازاماتتىق وبەكتىلەرگە وپاسىزدىقپەن شابۋىل جاساعانىن اتاپ ءوتتى»، - دەلىنگەن قىرعىزستان ءسىم حابارلاماسىندا.
قىرعىزستان تاراپى قول جەتكىزىلگەن بارلىق ۋاعدالاستىقتاردى مۇلتىكسىز ساقتاۋدى، اتىستى توقتاتۋدى جانە اسكەري قۇرالىمداردى الىپ كەتۋدى تالاپ ەتتى. شەكارا ماڭىنداعى اۋماقتارداعى جاعدايدىڭ ۋشىعۋىنا اكەپ سوقتىرۋى مۇمكىن جاعداي تۋعىزباي، شەكارادا تۋىندايتىن بارلىق پروبلەمالار تەك ساياسي-ديپلوماتيالىق قۇرالدارمەن شەشىلۋى ءتيىس ەكەنىن تاعى دا ەرەكشە اتاپ ءوتتى.