قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قازاقستان حالقى اسسامبلەياسىنىڭ ءحححىV سەسسياسىندا سويلەگەن سوزىندە قحا-نىڭ ەلدەگى قوعامدىق كەلىسىم مەن ۇلتتىق تۇتاستىقتى ساقتاۋداعى ەرەكشە ءرولىن اتاپ ءوتتى. بۇل تۋرالى Aqshamnews.kz سايتى حابارلايدى.
مەملەكەت باسشىسى ءتۇرلى جىلدارى ەلىمىزدە قۇرىلعان قوعامدىق ديالوگ الاڭدارى مەن قۇرىلىمداردى اتاپ وتە وتىرىپ، اسسامبلەيانىڭ بۇگىندە ۇلتتىق بىرەگەيلىكتى بەكىتۋدە تەڭدەسسىز باستى پلاتفورماعا اينالعانىن ەرەكشە بەلگىلەدى.
"بۇگىنگى مەرەيتويلىق جيىندا اسسامبلەيانىڭ قوعامدى ورتاق ماقساتقا جۇمىلدىرۋ مەن ۇلتتىق بىرەگەيلىكتى بەكىتۋ ىسىندە بالاماسى جوق باستى پلاتفورماعا اينالعانىن جانە الداعى ۋاقىتتا دا سولاي بولىپ قالا بەرەتىنىن اتاپ وتكىم كەلەدى"، – دەدى توقايەۆ.
پرەزيدەنت اسسامبلەيانىڭ تەك قوعامدىق ينستيتۋت قانا ەمەس، مەملەكەتتىگىمىزدىڭ نەگىزىن قۇرايتىن اسا ماڭىزدى قۇرىلىم ەكەنىن باسا ايتتى. ونىڭ ايتۋىنشا، بۇل قحا-عا ارتىلاتىن تاريحي جاۋاپكەرشىلىكتىڭ دە زور ەكەنىن بىلدىرەدى.
"ۇلتتىق مۇددەلەرىمىزدى قورعاپ، ەگەمەندىگىمىزدى نىعايتۋ – قاستەرلى پارىز. مۇنى اسسامبلەيا مۇشەلەرى تەرەڭ سەزىنەدى دەپ ويلايمىن"، – دەدى مەملەكەت باسشىسى.
قاسىم-جومارت توقايەۆتىڭ بۇل پىكىرى اسسامبلەيانىڭ ءرولى تەك ەتنوسارالىق تاتۋلىقپەن شەكتەلمەي، ەلدىك مۇراتتار مەن ۇلتتىق تۇتاستىقتى نىعايتۋعا باعىتتالعانىن كورسەتەدى.