جالپى العاندا شلانگ جۇتۋ ورازانى بۇزبايدى.
ويتكەنى، ورازانى بۇزۋ ءۇشىن شلانگ تولىعىمەن ىشكە كىرۋى ءتيىس. ال، بۇل جاعدايدا شلانگتىڭ ءبىر بولىگى سىرتتا قالادى. دەگەنمەن، شلانگ ارقىلى اسقازانعا ءبىر نارسە تۇسسە ورازانى بۇزادى. بۇل تۋرالى Almaty-akshamy.kz Muftyat.kz-كە سىلتەمە جاساپ حابارلايدى.
يمام يبن ابيدين: «ەگەر ادام اعاش نەمەسە ۇشىنا تاماق بايلانعان ءجىپ جۇتسا، ونىڭ ءبىر ۇشى سىرتتا قالىپ جانە زاتتان ىشتە ءبىر بولىگى قالماسا ورازا بۇزىلمايدى. سەبەبى ورازا بۇزىلۋىنىڭ شارتى – ىشتە قالۋ»، – دەگەن.
وسىعان وراي شلانگقا ءدارى جاعىپ، جۇتقىزاتىن بولسا، ءدارىنىڭ كەيبىر بولىكتەرى ىشتە قالسا، ورازاسى بۇزىلىپ، ءبىر كۇن قازاسىن وتەيدى.