مەملەكەت باسشىسى قاسىم-جومارت توقايەۆ ەڭبەك جانە حالىقتى الەۋمەتتىك قورعاۋ ءمينيسترىن تاعايىندادى، دەپ حابارلايدى اqshamnews.kz ءتىلشىسى.
"مەملەكەت باسشىسىنىڭ جارلىعىمەن اسقاربەك مارات ۇلى ەرتايەۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى"، – دەلىنگەن اقوردانىڭ حابارلاماسىندا.
ايتا كەتەيىك، وسىعان دەيىن مينيستر بولعان سۆەتلانا جاقىپوۆا قىزمەتىنەن بوساتىلعان.
اسقاربەك ەرتايەۆ 1977 جىلى اقتوبە قالاسىندا دۇنيەگە كەلگەن. ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن، «نۇر» اقتوبە مەنەندجمەنت، بيزنەس جانە قۇقىق ينستيتۋتىن بىتىرگەن.
- ەڭبەك جولىن 1997 جىلى اقتوبە وبلىسى مۇعالجار اۋدانى اكىمىنىڭ اپپاراتىندا مامان بولىپ باستاعان.
- 2000-2014 جىلدارى بانك سالاسىندا جۇمىس ىستەدى.
- 2014 جىلى – ق ر ەكونوميكا جانە بيۋدجەتتىك جوسپارلاۋ مينيسترلىگى ساۋدا كوميتەتى باس ساراپشىسىنىڭ مىندەتىن اتقارۋشى.
- 2014-2021 جىلدارى – ق ر ۇلتتىق ەكونوميكا مينيسترلىگىنىڭ باس ساراپشىسى، باسقارما باسشىسى، دەپارتامەنت ديرەكتورىنىڭ ورىنباسارى، دەپارتامەنت ديرەكتورى.
- 2021-2022 جىلدارى – ق ر پرەزيدەنتى اكىمشىلىگى قاۋىپسىزدىك كەڭەسىنىڭ تالداۋ بولىمىندە سەكتور مەڭگەرۋشىسى.
- 2022-2023 جىلدارى – ق ر پرەمەر-مينيسترى كەڭسەسىنىڭ، ق ر ۇكىمەتى اپپاراتى ەكونوميكالىق ءبولىمىنىڭ مەڭگەرۋشىسى.
- 2023-2024 جىلدارى – ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى.
- 2024-2025 جىلدارى – ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى.