ارىستانبەك مۇحامەدي ۇلى بيۋدجەت قاراجاتىن جىمقىردى دەگەن كۇدىكپەن قاماۋعا الىنعان
ق ر ۇلتتىق مۋزەيىنىڭ بۇرىنعى ديرەكتورى ارىستانبەك مۇحامەدي ۇلى تاعى ءبىر اي قاماۋدا بولادى، دەپ حابارلايدى Almaty-akshamy.kz استانا قالالىق سوتىنىڭ باسپا ءسوز قىزمەتىنە سىلتەمە جاساپ.
«2022 جىلعى 18 قاراشادا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى مۇحامەدي ۇلى ارىستانبەككە قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن ءبىر ايعا ۇزارتتى»، - دەلىنگەن قالالىق سوتتىڭ حابارلاماسىندا.
ەسكە سالساق، بيىل 29 مامىردا ارىستانبەك مۇحامەدي ۇلى بيۋدجەت قاراجاتىن جىمقىردى دەگەن كۇدىكپەن قاماۋعا الىندى.
انكيتور ۇلتتىق مۋزەيدىڭ بۇرىنعى باسشىسىنا «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ جونىندەگى مەملەكەتتىك ساتىپ الۋ تۋرالى شارت اياسىندا 146 ميلليون تەڭگە سوماسىندا بيۋدجەت قاراجاتىن جىمقىردى دەگەن ايىپ تاقتى.
كەيىن ەلىمىزدىڭ ىشكى ىستەر مينيسترلىگى ارىستانبەك مۇحامەدي ۇلىنىڭ «سۋيسيد ارەكەتىنە» قاتىستى تۇسىنىكتەمە بەرگەن ەدى.