جاپونيانىڭ فۋكۋوكا قالاسىندا سۋ سپورتى تۇرلەرىنەن الەم چەمپيوناتى ءوتىپ جاتىر. بۇگىن قازاقستان قورجىنىنا العاشقى مەدال ءتۇستى، دەپ حابارلايدى Almaty-akshamy.kz مادەنيەت جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتىنە سىلتەمە جاساپ.
ەدۋارد كيم كوركەم ءجۇزۋ باسەكەسىنىڭ تەحنيكالىق باعدارلاماسىندا قولا مەدال يەلەندى. وتانداسىمىز 216.0000 ۇپاي جيناپ، توپ جارعان يسپانيالىق دياس دەل ريو سول فەرناندو (224.5550) مەن كۇمىس جۇلدەگەر امەريكالىق گودە كەننەتكە ەسە جىبەردى.
ەرلەر اراسىنداعى ارتيستىك ءجۇزۋ بيىل العاش رەت الەم چەمپيوناتىنا قوسىلدى. جاپونياداعى ايتۋلى باسەكەنىڭ فينالىندا 10 سپورتشى العاشقى جۇلدە جيىنتىعىن ساراپقا سالدى.
بۇل سپورت تۇرىنەن اتلەتتەر ەندى 22 شىلدەدە ەركىن باعدارلامادا ب ا ق سىنايدى. بۇدان بولەك، قازاقستان قۇراماسى سۋدا ءجۇزۋ، سۋ دوبى (ەرلەر، ايەلدەر) جانە اشىق سۋدا ءجۇزۋ جارىستارىندا ونەر كورسەتەدى. دودا 30 شىلدەدە اياقتالادى.