«قىزىل» ايماقتارداعى وڭىرلەردە دەمالىس كۇنگى لوكداۋنداردى ساقتاۋ قاجەت. بۇل تۋرالى ۇكىمەت وتىرىسىندا ق ر پرەمەر-مينيسترى اسقار مامين ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«حالىقتىڭ شەكتەۋ تالاپتارىنىڭ ورىندالۋىن باقىلاۋدى جالعاستىرۋ كەرەك. بۇل ءۇشىن وڭىرلەردە مونيتورينگ توپتارىنىڭ سانى كوبەيتىلدى، ولاردىڭ قىزمەتىنىڭ تيىمدىلىگىن كۇشەيتۋ قاجەت. بارلىق وڭىرلەر مەن مەملەكەتتىك ورگاندار ۆاكسينا سالدىرۋدىڭ قاجەتتىگى تۋرالى اقپاراتتىق جۇمىستى كەڭەيتىلسىن»، - دەدى اسقار مامين.
سونىمەن قاتار ۇكىمەت باسشىسى «قىزىل» ايماقتارداعى وڭىرلەردە دەمالىس كۇنگى لوكداۋنداردى ساقتاۋ قاجەتتىگىن باسا ايتتى.
«بۇگىنگى كۇنى تىركەلگەن «ASHYQ» پايدالانۋشىلار سانى – 4 ملن-نان استام. ءقازىردىڭ وزىندە جوباعا 111 مىڭ بيزنەس سۋبەكتىسى قاتىسادى. بيزنەسپەن جۇمىستى جالعاستىرىپ، جوباعا قاتىسۋشىلار سانىن ۇلعايتۋ كەرەك»، - دەگەن پرەمەر-مينيستر بۇل ماسەلەنى جالپى باقىلاۋدا ۇستاۋدى ورىنباسارى ەرالى توعجانوۆقا تاپسىردى.