الماتى قالاسى تۇرعىن ءۇي ساياساتى باسقارماسىنىڭ باسشىسى دانيار قىرىقبايەۆ الماتىدا 2020-2025 جىلدارعا ارنالعان «نۇرلى جەر» تۇرعىن ۇي-كوممۋنالدى دامۋ مەملەكەتتىك باعدارلاماسىنىڭ ورىندالۋى تۋرالى ايتتى، دەپ حابارلايدى almaty-akshamy.kz
وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا سپيكەر اعىمداعى جىلعا جوسپارلانعان 130 ءۇيدىڭ 58-ىندە جوندەۋ جۇمىستارى اياقتالعانىن، تاعى 72 ۇيدە جۇمىستىڭ ءجۇرىپ جاتقانىن ايتتى.
دانيار قىرىقبايەۆ الماتىدا 11 مىڭنان استام جەدەلساتى جۇمىس ىستەپ تۇرعانىن، ونىڭ ىشىندە 5 681ء-ى تۇرعىن ءۇي قورىندا، 25 جىلدان استام پايدالانۋ مەرزىمى بار 1 005 ەكەنىن ايتتى.
«بيىل 124 ۇيدەگى 273 جەدەلساتىنى اۋىستىرۋ اياقتالدى. جىلىنا 300 جەدەلساتى اۋىستىرۋ مولشەرلەمەسىمەن، 2025 جىلعا قاراي قىزمەت مەرزىمى وتكەن ەسكىرگەن جەدەساتىلاردىڭ نەگىزگى بولىگى اۋىستىرىلادى»، - دەدى تۇرعىن ءۇي ساياسات باسقارماسىنىڭ باسشىسى.
دانيار قىرىقبايەۆ الماتىدا باسقارۋدىڭ جاڭا فورمالارىنا كوشۋدىڭ قالالىق جول كارتاسى بەكىتىلگەنىن اتاپ ءوتتى.
«بۇگىندە 498 وسي تىركەلدى جانە 729 پت كوندومينيۋم وبەكتىلەرىن باسقارۋدىڭ جاڭا ءتۇرى رەتىندە تاڭدادى. قالادا بارلىعى 1227 جاڭا باسقارۋ فورماسى بار»، - دەدى دانيار قىرىقبايەۆ.
تۇرعىن ءۇي ساياساتى باسقارماسىنىڭ باسشىسى ۆەدومستۆولارىندا اۋلالاردىڭ تازالىعى مەن اباتتاندىرىلۋىنا ەرەكشە كوڭىل بولەتىنىن قوسىپ ايتتى. مىسالى، الماتىدا 8 003 كونتەينەر ورناتىلعان 1454 الاڭ بار.
«ءبىز قالا تۇرعىندارىنىڭ قوقىس قالدىقتارىن جيناۋ مەن شىعارۋدى 100% قامتاماسىز ەتتىك. بۇل قىزمەتتەردى قوقىس جينايتىن 25 ۇيىم كورسەتەدى. 142 كونتەينەرلىك الاڭعا كۇردەلى جوندەۋ جۇرگىزىلدى»، - دەپ ناقتىلادى دانيار قىرىقبايەۆ.
سپيكەر قول قويىلعان مەموراندۋمدار اياسىندا جەكە ينۆەستورلار قوقىس قالدىقتارىن بولەك جيناۋدى ورناتقان: قوسالقى شيكىزاتتى جيناۋعا ارنالعان 900 تورلى كونتەينەرلەر بار. جىل سوڭىنا دەيىن بارلىق اۋماقتى قامتۋ جوسپارلانۋدا. سونداي-اق، اقىلى نەگىزدە قايتالاما شيكىزاتتى قابىلداۋ ءۇشىن 32 پۋنكت بار. جىل سوڭىنا دەيىن تاعى 4 اقىلى پۋنكتتى اشۋ جوسپارلانۋدا.
بۇل رەتتە ساپاسىز جۇمىس ءۇشىن 10 كوممۋنالدىق قىزمەت پەن 11 قوقىس شىعارۋشى ۇيىمعا جالپى سوماسى 1،5 ملن تەڭگە بولاتىن ايىپپۇل سالىندى.
جالپى العاندا، ءبىرىنشى جارتىجىلدىقتا اباتتاندىرۋ ەرەجەلەرىن بۇزعان زاڭدى جانە جەكە تۇلعالارعا جالپى سوماسى 16،2 ملن تەڭگە بولاتىن 1 109 حاتتاما تولتىرىلدى.