رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى تاۋدا اداسىپ قالعان قىزعا كومەكتەستى، دەپ حابارلايدى almaty-akshamy.kz قازاقپارات تىلشىسىنە سىلتەمە جاساپ.
26 قىركۇيەكتە رەسپۋبليكالىق جەدەل-قۇتقارۋ جاساعىنىڭ كەزەكشى بولىمىنە تاۋدا اداسقان قىز تۋرالى اقپارات كەلىپ ءتۇستى.
توتەنشە جاعدايلار دەپارتامەنتىنىڭ جەدەل كەزەكشىسىنىڭ ايتۋىنشا، بويجەتكەن قۇمبەلسۋ شاتقالىنا دەيىن جالعىز ءوزى باعىت العان، الايدا سوقپاقتان اداسىپ كەتكەن. ابىروي بولعاندا، تۋريست گەولوكاسيالىق مالىمەتتى جىبەرگەن.
ىزدەستىرۋ-قۇتقارۋ جۇمىستارىنا رجقج قۇتقارۋشىلارىنىڭ جەدەل توبى شاقىرىلدى. توپ جەتەكشىسى قۇمبەلسۋ شاتقالىنان تۋريستكە قاراي تۇسۋگە شەشىم قابىلدادى. كۇننىڭ باتىپ كەتۋى جولدان اداسىپ كەتكەن ءتۋريستى ىزدەۋگە قيىندىق تۋعىزدى سوعان قاراماستان، قىز تەز تابىلدى، ول جولدان 200 مەتر قاشىقتىقتا بولدى.
جەدەل توپ جوعالعان ءتۋريستى 27 قىركۇيەك كۇنى تاڭەرتەڭ مەدەۋگە دەيىن ءتۇسىرىپ، تۋىستارىنا امان-ەسەن تاپسىردى.