اسكەري تەڭىزشىلەر جورىققا شىعادى

جيىن-جورىق 8 قازانعا دەيىن جالعاسادى.

قۇرامىندا اسكەري-تەڭىز كۇشتەرىنىڭ «ورال»، «سارىارقا»، «ماڭعىستاۋ» زىمىراندى-ارتيللەريالىق كورابلدەرى، «الاتاۋ» مينا-ترالدىق كورابلى جانە «جايىق» گيدروگرافيالىق كەمەسى بار توپ كاسپيي تەڭىزىنىڭ قازاقستان سەكتورىنداعى اكۆاتورياسىندا جيىن-جورىق جاسايدى، دەپ حابارلايدى Almaty-akshamy.kz. 
ق ر قورعانىس مينيسترلىگىنىڭ باسپا ءسوز قىزمەتى ءمالىم ەتكەندەي، جيىن-جورىق 8 قازانعا دەيىن جالعاسادى. وسى ۋاقىت ىشىندە اسكەري تەڭىزشىلەر اۋەدە، تەڭىزدە جانە وزگەرمەلى نىساناعا وق اتۋدى جۇرگىزەدى، كورابلدەردىڭ جاۋىنگەرلىك وقۋ-جاتتىعۋلاردى وتكىزەدى، تار سۋ ايلاعىندا، جاعالاۋ ماڭىندا جانە كۇردەلى گيدرومەتەورولوگيالىق جاعدايدا ءجۇزۋىن پىسىقتايدى.

بۇدان وزگە، كەمەلەر توپ قۇرامىندا بىرلەسكەن مانيەۆر جاسايدى. اسكەري تەڭىزشىلەر ۆاحتانى ءجۇرىپ بارا جاتىپ اۋىستىرۋدى ۇيىمداستىرادى، دابىل قۇرالىن پايدالانا وتىرىپ اقپارات بەرۋدى جۇزەگە اسىرادى، سونداي-اق كورابلدىڭ ومىرشەڭدىگى ءۇشىن كۇرەس پەن اپاتتى جاعدايداعى كەمەنى تاستاپ شىعۋ جونىندەگى نورماتيۆتەردى پىسىقتايدى.

وسىنداي جيىن-جورىقتار كەمە ەكيپاجدارىنىڭ پراكتيكالىق داعدىلارىن جەتىلدىرۋگە، اسكەري-تەڭىز كۇشتەرى ءجۇزۋ قۇرامىنىڭ اسكەري-تەڭىز ماشىق دەڭگەيىن ارتتىرۋعا مۇمكىندىك بەرەدى.