ءقازىر جۇيەلى جۇمىس جۇرگىزىلىپ جاتىر.
ءبىلىم جانە عىلىم ءمينيسترى اسحات ايماعامبەتوۆ مۇعالىمدەردى كاسىبي مەرەكەسىمەن قۇتتىقتادى، دەپ حابارلايدى Almaty-akshamy.kz Baq.kz-كە سىلتەمە جاساپ.
«قۇرمەتتى، قىمباتتى ارىپتەستەر! سىزدەردى كەلە جاتقان كاسىبي مەرەكەلەرىڭىزبەن شىن جۇرەكتەن قۇتتىقتايمىن. ۇلى اعارتۋشى پەداگوگ ى.التىنسارين بىلاي دەگەن ەكەن: «مەن ءۇشىن بارىنەن دە جاقسى ءمۇعالىم قىمبات. ويتكەنى ول – مەكتەپتىڭ جۇرەگى». دەگەنمەن بىزدە ءار ءتۇرلى ءزاۋلىم مەكتەپتەر، عيماراتتار، كەرەمەت قۇرىلعىلار بولۋى مۇمكىن. ءبىراق ەڭ باستىسى مىقتى، ءوز جۇمىسىن سۇيەتىن جانە جان-جاقتى قورعالعان مۇعالىمدەر قاجەت. سول سەبەپتى مۇعالىمدەردىڭ مۇددەلەرىن ۇنەمى قورعاپ، ءبىزدىڭ بالالارىمىز ءۇشىن ايانباي جۇمىس ىستەۋى ءۇشىن ءبىز دە ءوز جۇمىسىمىزدى ءارى قاراي دا جۇرگىزە بەرەمىز»، - دەپ ايتتى ول.
ايماعامبەتوۆ اتاپ وتكەندەي، مەملەكەت باسشىسىنىڭ قولداۋىنىڭ ارقاسىندا زاڭ قابىلداندى. ءقازىر جۇيەلى جۇمىس جۇرگىزىلىپ جاتىر.
«سىزدەردى مەرەكەمەن قۇتتىقتاي وتىرىپ، قاجىماس قايرات، شىعارماشىلىق تابىستار تىلەيمىن. دەندەرىڭىز ساۋ بولىپ، كوتەرىڭكى كوڭىل-كۇيمەن جۇرە بەرىڭىزدەر»، - دەپ قۇتتىقتاۋ ءسوزىن ايتتى باس ۇستاز ارىپتەستەرىنە.