قازاقستان تەننيسشىسى ماچتى جەڭىسپەن تۇيىندەدى
قازاقستاننىڭ ەكىنشى، الەمنىڭ 47-راكەتكاسى يۋليا پۋتينسيەۆا Astana Open WTA 250 ءتۋرنيرىنىڭ فينالىنا شىقتى، دەپ حابارلايدى Almaty-akshamy.kz.
قتف باسپا ءسوز قىزمەتىنىڭ مالىمەتىنشە، جارىستىڭ ءبىرىنشى راكەتكاسى بولىپ تىركەلگەن يۋليا پۋتينسيەۆا جارتىلاي فينالدا الەمنىڭ 86-راكەتكاسى، شۆەسيالىق رەبەككا پەتەرسونمەن شەبەرلىك بايقاستى. ر.پەتەرسون وسى دودا بارىسىندا تاعى ءبىر قازاقستاندىق زارينا دياستان ايلاسىن اسىرىپ كەتكەن بولاتىن.
بۇل جولى ءبىرىنشى پارتيادا يۋليانىڭ باسىمدىلىعى ايقىن بايقالدى – 6:2. يۋ.پۋتينسيەۆا ەكىنشى سەتتە دە 3:1 ەسەبىمەن العا كەتتى. تاعى ءبىر برەيك – 4:1. ماچقا دوپ بەرگەندە، پەتەرسون برەيك جاساپ، ەسەپتى قىسقارتتى – 3:5.
دەگەنمەن قازاقستان تەننيسشىسى ماچتى جەڭىسپەن تۇيىندەي ءبىلدى – 6:4 يۋ.پۋتينسيەۆا فينالدا الەمنىڭ 89-ىنشى، وسى دودانىڭ ەكىنشى راكەتكاسى، بەلگيالىق ەليسون ۆان ەيتۆانكپەن باس جۇلدەنى ساراپقا سالادى.