اسكەري قىزمەتكەرلەردىڭ دەنە دايىندىعىنا قاتىستى ەرەجەلەر وزگەرەتىن بولدى

وزگەرىس اسكەري قىزمەتكەرلەردىڭ دايىندىعىن ساپالى ۇيىمداستىرۋ ماقساتىندا ەنگىزىلمەك.

ق ر قورعانىس مينيسترلىگى قازاقستان رەسپۋبليكاسى قارۋلى كۇشتەرىندەگى دەنە شىنىقتىرۋ دايارلىعى ستاندارتتارىنا وزگەرىستەر ازىرلەدى، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.

ۆەدومستۆو اتاپ وتكەندەي، وزگەرىس اسكەري قىزمەتكەرلەردىڭ دايىندىعىن ساپالى ۇيىمداستىرۋ ماقساتىندا ەنگىزىلىپ جاتىر.

نورماتيۆتەر جوباسىنا ەنگىزىلگەن نەگىزگى وزگەرىستەر مەن تولىقتىرۋلار:

«ازاماتتىق جاستار قاتارىنان اسكەري وقۋ ورىندارىنا كانديداتتاردىڭ» دەنە دايارلىعىن باعالاۋ ءتارتىبى انىقتالدى – بۇرىن بۇل سۇراق قاراستىرىلماعان؛

«ازاماتتىق جاستار قاتارىنان اسكەري وقۋ ورىندارىنا كانديداتتار» ساناتى اسكەري قىزمەتشىلەر ساناتىنان ءبولىندى – بۇعان دەيىن ناقتى ساناتتار اراسى بولىنبەگەن؛

«ازاماتتىق جاستار قاتارىنان اسكەري وقۋ ورىندارىنا كانديداتتارعا» ارنالعان جاتتىعۋلار ايقىندالدى (100 م جۇگىرۋ قوسىلدى) – بۇرىن كەيبىر جاتتىعۋلار قاراستىرىلماعان؛

جەكپە-جەك ۇرىس تاسىلدەرىن ورىنداۋعا تارتىلاتىن ساناتتار ايقىندالدى (1 جانە 2 جاس توبىنداعى ايەلدەرگە – ججك باستاپقى جانە 8 ەسەپكە ورىندالاتىن ججك كەشەندەرى، 1-5 جاس توبىناعى اسكەري قىزمەتشى ەرلەرگە – ججك باستاپقى، ارنايى جانە 8 ەسەپكە ورىندالاتىن ججك كەشەندەرى) – بۇعان دەيىن كەيبىر جاتتىعۋلار دۇرىس بولىنبەگەن؛

كەدەرگىلەر جولاعىندا ورىندالاتىن جاتتىعۋلار ناتيجەلەرىنە اۋا تەمپەراتۋراسىن جانە كيىم نىسانىن ەسكەرە وتىرىپ تۇزەتۋلەر انىقتالدى – بۇعان دەيىن كەدەرگىلەر جولاعىندا ورىندالاتىن جاتتىعۋلارعا وزگەرتۋلەر جانە كيىم نىسانىنىڭ نۇسقالارى بولماعان.

قورعانىس مينيسترلىگى ۇسىنعان وزگەرىستەردى اشىقنقا سايتىنان 5 مامىرعا دەيىن وقي الاسىز.