ماماننىڭ ايتۋىنشا، بۇيرەك ىسىگى نەگىزىنەن 50-70 جاس ارالىعىنداعى ادامداردا كەزدەسەدى، دەگەنمەن بۇل اۋرۋ جاسوسپىرىمدەردە، ءتىپتى بالالاردا دا كەزدەسەدى.
الماتى ونكولوگيالىق ورتالىعىنىڭ ونكولوگ-دارىگەرى كاميل حاشيروۆ الماتىدا انىقتالعان قاتەرلى ىسىكتەردىڭ 3،6 پايىزىن بۇيرەكتىڭ قاتەرلى ىسىگى قۇرايتىنىن اتاپ ءوتتى، دەپ حابارلايدى Almaty-akshamy.kz
تەك 2021 جىلدىڭ وزىندە العاش رەت بۇيرەكتىڭ قاتەرلى ىسىگىمەن 164 ادام ەسەپكە تۇرعان. بۇل اۋرۋمەن 1116 ناۋقاس ەسەپتە تۇر.
«تەمەكى شەگۋ، ارتىق سالماق، اۋىرعاندى باساتىن دارىلەردى كوپ پايدالانۋ بۇل ىسىكتىڭ دامۋىنىڭ كەيبىر فاكتورلارى بولىپ سانالادى. سونداي-اق، كاسىپتىك فاكتورلار، مىسالى، مەتاللۋرگيالىق ونەركاسىپتەگى، بىلعارى وندىرىسىندەگى جانە ت.ب. جۇمىسشىلار اراسىندا بۇل اۋرۋدىڭ ءقاۋپى جوعارى بولماق. سونداي-اق، وتباسىلىق بۇيرەكتىڭ قاتەرلى ىسىگى جاعدايىندا تۋىندايتىن گەنەتيكالىق فاكتورلار ورىن الادى، مىسالى، فون حيپپەل-لينداۋ سيندرومى. مۇنداي جاعدايلاردا اۋرۋدىڭ جاس كەزىندە دامۋى، ەكى بۇيرەكتە دە ىسىكتەردىڭ ءجيى اسقىنۋى سالدارىنان بۇيرەكتە كوپتەگەن قاتەرلى ىسىك وشاقتارى پايدا بولادى"، - دەپ اتاپ ءوتتى ونكولوگ. بۇيرەكتەردىڭ ادام دەنەسىنىڭ تەرەڭىندە ورنالاسقانىن اتاپ ءوتۋ ءجون، كوبىنەسە ىسىكتەر وتە ۇزاق ۋاقىت بويى ءوسىپ، ولاردى الدىن الا بايقاعانعا دەيىن ۇلكەن بولىپ وسە بەرەدى. ماماننىڭ ايتۋىنشا، بۇيرەكتىڭ قاتەرلى ىسىگىنىڭ ەڭ ءجيى كەزدەسەتىن بەلگىسىنىڭ ءبىرى بولىپ نەسەپتە قاننىڭ پايدا بولۋى. سوڭىنان نەسەپپەن بىرگە ۇيىعان قان بولىپ اعاتىن نەسەپ جولىندا قاننىڭ ۇيىپ قالۋىنىڭ سالدارىنان بۇيرەك ورنالاسقان جەر قاتتى اۋىرسىنادى. بەلومىرتقا جاقتىڭ اۋىرسىنۋى كوبىنەسە بۇيرەكتىڭ قاتەرلى ىسىگىنىڭ باستالۋىنان بولادى. سوندىقتان دا، ونكولوگ الدىن الا تەكسەرىستەن ءوتۋ جايلى تاعى دا ەسكەرتەدى. «مەديسينالىق تەكسەرىستەن وتۋدەن قورىقپاۋ كەرەك. العاشقى ساتىسىندا انىقتالعان قاتەرلى ىسىك تەز جانە تولىعىمەن ەمدەلەدى. العاشقى ساتىداعى دياگنوزدى انىقتاۋ - بۇل سوڭعى كەسىم ەمەس، كەرىسىنشە، وسى اۋرۋمەن كۇرەسىپ قۇتىلۋ مۇمكىندىگى مەن بولاشاقتا جارقىن ءومىر ءسۇرۋ»، - دەدى ول ءسوزىنىڭ سوڭىندا.