تمد ەلدەرى ىشىندە قازاقستاننىڭ اسكەري قۋاتى رەسەي، ۋكراينا، بەلورۋس، ازەربايجان، وزبەكستان ەلدەرىنەن تومەن.
ال تۇركىمەنستان، ارمەنيا، قىرعىزستان، تاجىكستان جانە مولدوۆا ەلدەرى سوڭعى ساتىدا قالدى، دەپ حابارلايدى Almaty-akshamy.kz.
Finprom.kz ساراپتاماسىنا سايكەس، قازاقستاندا 2022 جىلدىڭ قورىتىندىسى بويىنشا مەملەكەتتىك باسقارۋ جانە قورعانىس، سونداي-اق مىندەتتى الەۋمەتتىك قامسىزداندىرۋ سەكتورىنداعى ينۆەستيسيالار ەكى ەسەدەن استام وسكەن.
Global Firepower ساراپشىلارى ۇسىنعان دەرەككە قاراعاندا، اسكەري قۋات دەڭگەيى بويىنشا ەلدەر رەيتينگىندە قازاقستان 63-ورىندا تۇر. رەيتينگ ساراپشىلارى 60 ءتۇرلى فاكتوردى، ونىڭ ىشىندە مەملەكەتتىڭ قورعانىسقا جۇمسالاتىن شىعىندار دەڭگەيىن، تەحنيكالار جانە جابدىقتار ارسەنالىن، ارميا سانىن، تانكتەر، كورابلدەر مەن ۇشاقتار سانىن، ارميانىڭ جاۋىنگەرلىك قابىلەتتىلىگىنە اسەر ەتەتىن رەسۋرستارىن باعالادى. بۇل رەتتە يادرولىق قارۋ فاكتورى ەسكەرىلمەگەن.
تمد ەلدەرىنىڭ ىشىندە رەسەي قورعانىسقا 82،6 ملرد دوللار، ۋكراينا 30 ملرد دوللار، ازەربايجان 3،1 ملرد دوللار جۇمسايدى. بۇل رەتتە بەلارۋس پەن وزبەكستانداعى بيۋدجەت قازاقستانعا قاراعاندا بىرنەشە ەسە تومەن بولدى:
Global Firepower ساراپشىلارىنىڭ مالىمەتىنشە، قازاقستان اۆياسياسىندا 237 ۇشۋ اپپاراتى بار: 75 جاۋىنگەرلىك تىكۇشاق، ال ۇشاقتار اراسىندا – 39 شابۋىلشى، 81 جويعىش، 17 كولىك جانە 25 وقۋ ۇشاعى. ەلىمىزدىڭ قۇرلىق اسكەرلەرىندە 300 تانك، 5،2 مىڭ جاۋىنگەرلىك بروندى ماشينا، 246 وزدىگىنەن جۇرەتىن ارتيللەريالىق قوندىرعى، 456 بىرلىك سۇيرەتىلەتىن ارتيللەريا جانە 407 رەاكتيۆتى دۇركىن اتىس جۇيەسى بار.
اسكەري پەرسونالدىڭ جالپى سانى 77 مىڭ ادامدى قۇرايدى، ونىڭ ىشىندە 45 مىڭ ادام – ارەكەت ەتۋشى اسكەري، 32 مىڭ ادام اسكەريلەندىرىلگەن قۇرالىمدارعا جاتادى.