ۇلتتىق مەيرامدى ناسيحاتتايتىن #ناۋرىز2024 حەشتەگىمەن Tiktok جەلىسىندە 27 مىڭ بەينەروليك جاريالانعان.
وسىمەن ەكىنشى جىل قاتارىنان ق ر مادەنيەت جانە اقپارات مينيسترلىگىنىڭ، ق ر تۋريزم جانە سپورت مينيسترلىگىنىڭ جانە «Kazakh Tourism» ۇلتتىق كومپانياسىنىڭ قولداۋىمەن TikTok #ناۋرىز2024 ونلاين-فەستيۆالىن وتكىزدى.
پلاتفورما قولدانۋشىلارى #ناۋرىز2024 حەشتەگى بويىنشا وزدەرىنىڭ بەينەجازبالارى جانە فوتوكونتەنتتەرىن قۇرا وتىرىپ، مەرەكەلىك ۆيرتۋالدى فەستيۆالگە بەلسەنە ارالاستى. قازاقستاندىقتار ناۋرىز مەيرامى قالاي اتاپ وتىلەتىنى جانە وعان دايىندىق تۋرالى 27 مىڭنان استام بەينە جانە فوتوكونتەنت جاساپ، وتكەن جىلعى ناتيجەدەن ەكى ەسە اسىپ تۇسكەن.
«ءبىز كەزەكتى رەت قازاقستانداعى TikTok قاۋىمداستىعىنا وزدەرىنىڭ سۇيىكتى مەيرامىن تەك وتباسى مەن جاقىندارىنىڭ ورتاسىندا عانا ەمەس، سونىمەن بىرگە پلاتفورمانىڭ مىڭداعان قولدانۋشىلارىمەن بىرگە اتاپ وتۋگە مۇمكىندىك بەرگەنىمىزگە قۋانىشتىمىز. بيىل قولدانۋشىلاردىڭ وزدەرىنىڭ ءتول مادەنيەتىنە دەگەن قىزىعۋشىلىقتارى ارتقانىن بايقادىق. بيىل ولار وتكەن جىلعى ناۋرىز مەرەكەسىنە قاراعاندا ەكى ەسەگە كوپ كونتەنت جاريالادى!»، – دەدى TikTok-تىڭ شىعىس ەۋروپا مەن ورتالىق ازياداعى وپەراسيالىق ءبولىمىنىڭ باسشىسى ەكاتەرينا بلينەس.
باستاماعا ق ر مادەنيەت جانە اقپارات مينيسترلىگى، ق ر تۋريزم جانە سپورت مينيسترلىگىمەن بىرگە «Kazakh Tourism» ۇلتتىق كومپانياسى قولداۋ ءبىلدىردى.
«بيىلعى ءبىزدىڭ بىرلەسكەن جوبامىز تاڭقالارلىق ناتيجەلەرىمەن قۋانتتى. سول مەرەكەلىك مازمۇننىڭ ەكى ەسەگە ارتۋى قازاقستاندىقتاردىڭ ۇلتتىق جانە مادەني قۇندىلىقتارعا بارىنشا نازار اۋدارا باستاعانىن كورسەتەدى. ونىڭ ۇستىنە جىل وتكەن سايىن ناۋرىز مەيرامىنىڭ اۋقىمى دا ۇلعايىپ جاتىر. وسى جوباعا قاتىسقان بارشا وتانداستارىما العىس ايتا وتىرىپ، جەڭىمپازداردى قۇتتىقتاعىم كەلەدى. الداعى ۋاقىتتا دا ءبىزدىڭ جوبامىزدىڭ اۋقىمى بۇرىنعىدان دا كەڭەيە تۇسەدى دەپ ويلايمىن. ويتكەنى، قۇندىلىقتارىمىزدىڭ باعاسى مەن ءمانىن ازاماتتارىمىزدىڭ ورتاسىندا عانا ەمەس، سونىمەن قاتار شەتەلدىك اۋديتوريا اراسىندا ناسيحاتتاۋ جۇمىستارى وسىلاي جۇرەدى»، – دەدى «Kazakh Tourism» ۇلتتىق كومپانياسىنىڭ باسقارما ءتوراعاسى قايرات ءسادۋاقاسوۆ.