پارلامەنت ماجىلىسىندە «اسكەري پوليسيا ورگاندارى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسكەري پوليسيا ورگاندارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى تانىستىرىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قورعانىس ءمينيسترىنىڭ ورىنباسارى سۇلتان قامالەتدينوۆتىڭ ايتۋىنشا، «اسكەري پوليسيا ورگاندارى تۋرالى» زاڭ جوباسى قارۋلى كۇشتەردەگى قۇقىق ءتارتىبىن نىعايتۋعا باعىتتالعان فۋنسيالاردى بەكىتۋ، اسكەري پوليسيا ورگاندارى قىزمەتىنىڭ مىندەتتەرى مەن وكىلەتتىكتەرىن كەڭەيتۋگە نەگىزدەلگەن.
«اسكەريلەردىڭ جاراقات الۋى مەن ءولىمى جاعدايلارىنا جول بەرمەۋ جانە الدىن الۋ ماقساتىندا اسكەري قىزمەت پەن ەڭبەك قاۋىپسىزدىگىن قامتاماسىز ەتۋ بويىنشا جۇيەلى جۇمىستى ۇيىمداستىرۋ قاجەتتىگى تۋىندادى. وسىعان بايلانىستى زاڭ جوباسىندا اسكەري قىزمەتتىڭ قاۋىپسىزدىگىن قامتاماسىز ەتۋدى ۇيىمداستىرۋ ءۇشىن ۆەدومستۆولىق قاداعالاۋ فۋنكسياسىن بەكىتۋ قاراستىرىلىپ وتىر»، - دەدى قورعانىس ءمينيسترىنىڭ ورىنباسارى.
ونىڭ سوزىنە قاراعاندا، قازىرگى كەزدە قارۋلى كۇشتەردىڭ اسكەري پوليسياسى ورىندايتىن ءبىرقاتار فۋنكسيالار مەن مىندەتتەر زاڭنامالىق دەڭگەيدە رەگلامەنتتەلمەگەن.
سونىمەن قاتار، قوعامدىق قاۋىپسىزدىك سالاسىندا مىندەتتەردى ءتيىمدى ورىنداۋ ماقساتىندا اسكەري پوليسيا ورگاندارى اسكەريلەرىنىڭ قۇقىقتارىن كەڭەيتۋ ۇسىنىلىپ وتىر. وسى ورايدا ولارعا اسكەري بولىمشەلەر مەن مەكەمەلەردە اسكەريلەر مەن ازاماتتىق پەرسونال تۇلعالارىنىڭ جەكە باسىن كۋالاندىراتىن قۇجاتتارعا تەكسەرۋ جۇرگىزۋ، اسكەردىڭ قاتىسۋىمەن وتەتىن بۇقارالىق ءىس-شارالار ورنىنا كىرەبەرىستە ادامداردىڭ زاتتارىن، كولىكتەرىن جانە وتكىزەتىن جۇكتەرىن تەكسەرۋ، قىزمەتتىك مىندەتىن ورىنداۋ كەزىندە بەينەجازبا تەحنيكالىق قۇرالدارىن (ۆيدەوتىركەگىش پەنۆيدەوجەتون) پايدالانۋ قۇقى بەرىلمەك.
مۇنىمەن قوسا، بەيبىتشىلىكتى قولداۋ بويىنشا حالىقارالىق ميسسيالاردا، ونىڭ ىشىندە بۇۇ ميسسيالارىنا اسكەري پوليسيا وكىلدەرىنىڭ قاتىسۋىن رەتتەۋ ماقساتىندا زاڭ جوباسىندا ءتيىستى تۇزەتۋ ەسكەرىلگەن.