«پرەزيدەنت توقايەۆتىڭ باسشىلىعىمەن قازاقستان حالقى ءوز ەلى ءۇشىن جارقىن بولاشاققا ۇمتىلادى دەپ سەنەمىن» - قحر ءتوراعاسى
بۇگىن «ورتالىق ازيا-قحر» ونلاين سامميتىندە جۇڭگو حالىق رەسپۋبليكاسىنىڭ ءتوراعاسى سي سزينپين قاڭتارداعى تارتىپسىزدىكتەردەن كەيىن قازاقستانعا قولداۋ مەن كومەك كورسەتۋگە دايىن ەكەنىن مالىمدەدى، دەپ حابارلايدى Almaty-akshamy.kz
«ءبىز ءبارىمىز سىرتقى كۇشتەردىڭ ايماقتاعى ءتۇرلى توڭكەرىستى شابىتتاندىرۋعا، ادام قۇقىقتارى دەگەن سىلتاۋمەن ىشكى ىستەرگە ارالاسۋعا، حالقىمىزدىڭ تىنىش ءومىرىن بۇزۋعا تىرىسۋىنا ۇزىلدى-كەسىلدى قارسى بولامىز. جاقىندا قازاقستانداعى تارتىپسىزدىكتەر ادام ولىمىنە جانە ماتەريالدىق شىعىندارعا الىپ كەلدى. قازاقستاننىڭ كورشىسى ءارى دوسى بولا وتىرىپ، جۇڭگو قازاقستاننىڭ زورلىق-زومبىلىقتى توقتاتۋ جانە جاعدايدى تۇراقتاندىرۋ جونىندەگى كۇش-جىگەرىن بارىنشا قولدايدى. جۇڭگو قازاقستانعا قولداۋ مەن كومەك كورسەتۋگە دايىن. پرەزيدەنت توقايەۆتىڭ باسشىلىعىمەن قازاقستان حالقى ءوز ەلى ءۇشىن جارقىن بولاشاققا ۇمتىلادى دەپ سەنەمىن»، - دەدى سي سزينپين.