بۇل تۋرالى ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتى بارىسىندا دسم سانيتارلىق-ەپيدەميولوگيالىق باقىلاۋ كوميتەتىنىڭ ءتوراعايىمى ايجان ەسماعامبەتوۆا ايتىپ بەردى، دەپ حابارلايدى اlmaty-akshamy.kz
ونىڭ ايتۋىنشا، كوروناۆيرۋس ينفەكسياسىنىڭ شارىقتاۋ شەگىنە جەتەتىن كەزەڭى ءالى الدا.
ءبىز ۇنەمى ەپيدەميولوگيالىق جاعدايدى ۇنەمى باقىلاۋدا ۇستاپ، زەرتتەۋلەر جۇرگىزىپ وتىرامىز. سوڭعى بولجام بويىنشا، ىندەت اقپان ايىنىڭ ورتاسىندا شارىقتاۋ شەگىنە جەتەدى، - دەپ اتاپ ءوتتى ۆەدومستۆو باسشىسى.
سونىمەن قاتار ول كوروناۆيرۋس ينفەكسياسىنىڭ «وميكرون» نۇسقاسىنىڭ اينالىمى مەن تارالۋىنان تۋىنداعان اۋرۋ ءوسۋى الەمنىڭ بارلىق ەلىندە بايقالىپ وتىرعانىن العا تارتتى.
جىل باسىنان بەرى رەسپۋبليكادا 178 مىڭنان استام ادام كوروناۆيرۋس ينفەكسياسىمەن اۋىردى. پاندەميانىڭ بۇكىل كەزەڭىمەن سالىستىرعاندا، العاش رەت جاعدايدىڭ تاۋلىكتىك تىركەلۋى 16 مىڭنان استى. بۇل «وميكروننىڭ» وتە جوعارى جۇقپالىعىنا جانە تارالۋ جىلدامدىعىنا بايلانىستى. بۇگىنگى تاڭدا تۇركىستان وبلىسىنان باسقا بۇكىل ەل «قىزىل» ايماقتا ورنالاسقان. رەسپۋبليكا بويىنشا سوڭعى اپتادا كۆي سىرقاتتانۋ دەڭگەيى 1،5 ەسە ءوستى. قاڭتار ايىندا، جەلتوقسانمەن سالىستىرعاندا، سىرقاتتانۋشىلىق 11 ەسەگە ءوستى، - دەدى كوميتەت ءتورايىمى.