Iس-قيمىلدارىنىڭ ءبىرىڭعاي تۇجىرىمىن ازىرلەۋ ءۇشىن قاجەت.
قازاقستان اسكەريلەرى ارنايى ءوتىپ جاتقان وقۋ-جاتتىعۋ اياسىندا مەملەكەتتىك شەكارانى بىرلەسىپ كۇزەتۋ ماسەلەلەرىن پىسىقتادى، دەپ حابارلايدى Almaty-akshamy.kz.
««باتىل تويتارىس – 2022» كەشەندى ۆەدومستۆوارالىق ستراتەگيالىق كوماندالىق-شتابتىق وقۋ-جاتتىعۋى اياسىندا قورعانىس مينيسترلىگىنىڭ قۇرامالارى مەن بولىمدەرىنىڭ اسكەري قىزمەتشىلەرى مەملەكەتتىك شەكارا كۇزەتىن كۇشەيتۋ تاپسىرمالارىن ورىندادى»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
وقۋ-جاتتىعۋدىڭ باستالعانى جونىندە دابىلدى قابىلداپ العان «وڭتۇستىك»، «باتىس» وڭىرلىك قولباسشىلىقتارى مەن دەسانتتىق-شابۋىلداۋ اسكەرلەرىنىڭ بولىمشەلەرى الماتى، جامبىل، قىزىلوردا، ماڭعىستاۋ جانە تۇركىستان وبلىستارىنىڭ شەكارا ماڭىنداعى اۋداندارىنا جاۋىنگەرلىك تەحنيكامەن مارش جاساپ، ۇقك شەكارا قىزمەتىنىڭ وڭىرلىك بولىمشەلەرىنىڭ جەدەل باعىنىسىنا ءوتتى.
- «باتىل تويتارىس – 2022» ستراتەگيالىق وقۋ-جاتتىعۋىن وتكىزۋ كەزەڭىندە قورعانىس مينيسترلىگىمەن بىرلەسىپ، قازاقستان رەسپۋبليكاسىنىڭ مەملەكەتتىك شەكاراسىن كۇزەتۋ ماسەلەلەرى پىسىقتالدى، – دەپ ءتۇسىندىرىپ ءوتتى جامبىل وبلىسى مەركى اۋدانى بويىنشا شەكارا باسقارماسىنىڭ ءبولىم باستىعى پودپولكوۆنيك باقىتجان ايساعالييەۆ. – وسى شارالاردىڭ ءبارى مەملەكەتتىك شەكارانى بىرلەسىپ قورعاۋ ءىس-قيمىلدارىنىڭ ءبىرىڭعاي تۇجىرىمىن ازىرلەۋ ءۇشىن قاجەت.
وقۋ-جاۋىنگەرلىك تاپسىرمالاردى ورىنداۋ بارىسىندا قارۋلى كۇشتەر مەن شەكارا قىزمەتىنىڭ اسكەري قىزمەتشىلەرى ناريادتار قۇرامىندا كەزەكشىلىك اتقارىپ، توسقاۋىل بەكەتتەرىن ورناتتى جانە باقىلاۋ-ىزدەستىرۋ جۇمىستارىن جۇرگىزدى.
بولىمشە كومانديرلەرى قارۋلى جانە قارۋسىز ارانداتۋلارعا جەدەل دەن قويۋ، شەكارادان جەكەلەي جانە توپتاسىپ ءوتۋ امالدارىنىڭ جولىن كەسۋ، سونداي-اق زاڭسىز قارۋلانعان قۇرامالاردىڭ كوزىن جويۋ سياقتى بىرلەسكەن ءىس-قيمىلداردى ۇيىمداستىرىپ، ءىس جۇزىندە ماشىقتاندى.
«باتىل تويتارىس – 2022» وقۋ-جاتتىعۋ شەڭبەرىندە مەملەكەتتىك شەكارانى كۇزەتۋدى كۇشەيتۋ شارالارى - مەملەكەت باسشىسىنىڭ كۇشتىك قۇرىلىمداردى ءتيىمدى ۇيلەستىرۋدى قامتاماسىز ەتۋ، ولاردىڭ جەدەل جانە اسكەري-تەحنيكالىق ۇيلەسىمدىلىگىن جولعا قويۋ جونىندەگى تاپسىرمالارىن ىسكە اسىرۋ باعدارلاماسىنىڭ ءبىر بولىگى.