جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورى ادىلەت تويبايەۆ جوو وقىتۋشىلارىنان تالاپ ەتىلەتىن قۇجاتتار ءتىزىمى قىسقارعانىن مالىمدەدى، دەپ حابارلايدى Almaty-akshamy.kz Elorda.info-عا سىلتەمە جاساپ.
ەندى وقىتۋشىلاردان كەلەسى قۇجاتتار تالاپ ەتىلمەيدى:
- وقىتۋشىلاردىڭ ءاربىر ايعا ارنالعان وقۋ جۇمىس ۋاقىتىن ەسەپكە الۋ ۆەدوموسى (ساعاتپەن جانە (نەمەسە) كرەديتپەن)؛
- وقىتۋشىلاردىڭ جىل ىشىندەگى وقۋ ۋاقىتىن ەسەپكە الۋ ۆەدوموسى (ساعاتپەن جانە (نەمەسە) كرەديتپەن)؛
- ەمتيحان ۆەدوموسى (ءبىلىم الۋشىلاردى ارالىق اتتەستاتتاۋ ءۇشىن)؛
- ءبىلىم الۋشىلاردى قورىتىندى اتتەستاتتاۋدان وتكىزۋ جونىندەگى كوميسسيا وتىرىسىنىڭ حاتتامالارى. ءبىلىم الۋشىلاردى قورىتىندى اتتەستاتتاۋ جونىندەگى كوميسسيا وتىرىسىنىڭ قورىتىندى اتتەستاتتاۋ ەمتيحاندارىن تاپسىرۋ تۋرالى حاتتاماسى
- ءبىلىم الۋشىلارعا بىلىكتىلىك بەرۋ تۋرالى قورىتىندى اتتەستاتتاۋدى وتكىزۋ جونىندەگى كوميسسيا وتىرىسىنىڭ حاتتاماسى (جيىنتىق)؛
- ءبىلىم الۋشىلاردى قورىتىندى اتتەستاتتاۋ جونىندەگى كوميسسيانىڭ ءبىلىم الۋشىلاردىڭ ءبىتىرۋ جۇمىسىن قاراۋ بويىنشا (ديپلومدىق جوبا (جۇمىس) وتىرىسىنىڭ حاتتاماسى؛
- ەمتيحان ۆەدوموسى؛
- كافەدرانىڭ جۇمىس جوسپارى؛
- سىناق كىتاپشالارى؛
- وقۋ ۇلگەرىمىنىڭ جۋرنالى.
دەپارتامەنت جوعارى وقۋ ورىندارىنا مينيسترلىك تاراپىنان كۇشى جويىلعان ەسەپتىلىكتىڭ جەكە قاعاز تۇرلەرىن جاساماۋدى، جوسپارلاۋ مەن قۇجات اينالىمىنىڭ سيفرلىق جۇيەسىنە تولىق كوشۋدى جۇزەگە اسىرۋدى ۇسىندى.
«الايدا، كەيبىر جوعارى وقۋ ورىندارىندا ءالى كۇنگە دەيىن پروفەسسور-وقىتۋشىلار قۇرامىنان ارتىق ەسەپتىلىك قۇجاتتارى تالاپ ەتىلەتىنى تۋرالى اقپارات ءتۇسىپ جاتىر. مىسالى، ستۋدەنتتەر ۇلگەرىمىنىڭ قاعاز جۋرنالى، پروفەسسور-وقىتۋشىلار قۇرامىنىڭ اتقارعان جۇمىستارى تۋرالى اپتا سايىنعى، اي سايىنعى ەسەپتەر»، – دەپ جازدى ادىلەت تويبايەۆ.