راديوەلەكترونيكا جانە بايلانىس اسكەري-ينجەنەرلىك ينستيتۋتىندا مەرزىمدى قىزمەتتەگى ساربازداردى زاپاسقا شىعارۋعا ارنالعان سالتاناتتى ءراسىم ءوتتى، - دەپ حابارلايدى Aqshamnews.kz.
اسكەري جوعارى وقۋ ورنىنىڭ كۇزگى شاقىرىلىمداعى قاراۋىل روتاسىنىڭ جاۋىنگەرلەرى ءوز مىندەتتەرىن ابىرويمەن اتقارىپ، قىزمەتتەرىن لايىقتى دەڭگەيدە اياقتادى.
ولاردىڭ ەڭبەگى ەلەنىپ، ءاربىر ساربازعا العىس حاتتار مەن باعالى سىيلىقتار تابىستالدى. جىل ىشىندە قىزمەتىمەن ەرەكشەلەنگەن اسكەري قىزمەتشىلەرگە كەزەكتى اسكەري اتاقتار بەرىلدى.
بۇل شاقىرىلىمدا جاۋىنگەرلىك جانە كاسىبي دايارلىقتا جوعارى ناتيجەلەر كورسەتكەن التى سارباز ءبىلىم گرانتتارىنا يە بولدى. ونىڭ بەسەۋى قازاقستان رەسپۋبليكاسى قورعانىس مينيسترلىگىنىڭ اسكەري جوعارى وقۋ ورىندارىندا ءبىلىمىن جالعاستىرسا، بىرەۋى ءال-فارابي اتىنداعى قازاق ۇلتتىق ۋنيۆەرسيتەتىنە وقۋعا تۇسەتىن بولدى. سونىمەن قاتار ءتورت سارباز قارۋلى كۇشتەر قاتارىندا كەلىسىمشارت نەگىزىندە قىزمەتىن جالعاستىرۋعا شەشىم قابىلدادى.
– قىزمەت مەن ءۇشىن ماڭىزدى ومىرلىك بەلەس بولدى. ول ماعان ازاماتتىق بورىشىمدى وتەۋگە مۇمكىندىك بەرىپ، جوعارى وقۋ ورنىنا جول اشتى. قولداۋ كورسەتكەنى جانە وسۋگە جاعداي جاساعانى ءۇشىن قورعانىس مينيسترلىگىنە العىس ايتامىن، – دەدى مەرزىمدى قىزمەتتىڭ قاتارداعى جاۋىنگەرى ديليار زياۋدينوۆ.
راديوەلەكترونيكا جانە بايلانىس اسكەري-ينجەنەرلىك ينستيتۋتى قاراۋىل روتاسى قۇرىلعاننان بەرى مەرزىمدى قىزمەتتەگى ون ءتورت سارباز ءبىلىم گرانتىنا يە بولدى. ون بەسى قورعانىس مينيسترلىگىنىڭ اسكەري جوعارى وقۋ ورىندارىنا وقۋعا تۇسكەن، ال بەسەۋى كەلىسىمشارت بويىنشا قىزمەتىن جالعاستىرعان.