شىمكەنت اكىمىنىڭ ورىنباسارى رۋسلان بەردەنوۆ Respublica پارتياسىنىڭ تەڭ ءتوراعاسى قىزمەتىنەن كەتتى، - دەپ حابارلايدى aqshamnews.kz.
پارتيا وكىلىنىڭ مالىمەتىنشە، "مەملەكەتتىك قىزمەت تۋرالى" زاڭنىڭ 10-بابى 5-تارماقشاسىنا سايكەس مەملەكەتتىك قىزمەتشىلەر ءوز لاۋازىمدىق وكىلەتىن جۇزەگە اسىرۋ كەزىندە ساياسي پارتيالاردان، قوعامدىق جانە ءدىني بىرلەستىكتەردەن تاۋەلسىز جانە بەيتاراپ بولۋعا مىندەتتى.
"بۇگىندە بەردەنوۆ Respublica پارتياسىنىڭ قۇرىلىمىندا قانداي دا ءبىر باسشىلىق لاۋازىم اتقارمايدى. ءبىراق پارتيا مۇشەسى رەتىندە قالا بەرەدى"، – دەپ مالىمدەدى پارتيا وكىلى.
ەسكە سالايىق، 2025 جىلعى اقپاندا رۋسلان بەردەنوۆ شىمكەنت اكىمىنىڭ ورىنباسارى قىزمەتىنە تاعايىندالعان بولاتىن.
بيىل 21 ساۋىردە شىمكەنت قالاسى اكىمدىگى عيماراتى ماڭىندا رۋسلان بەردەنوۆكە وق اتىلدى.
پوليسيا مالىمەتىنشە، كۇدىكتى ۇستالىپ، ۋاقىتشا ۇستاۋ يزولياتورىنا قامالدى، بۇل دەرەك بويىنشا قىلمىستىق ءىس قوزعالعان.