2024 جىلدىڭ ءبىرىنشى قاڭتارىنان باستاپ 17 جاسقا تولعان ازاماتتاردىڭ قۇجاتتارى قارۋلى كۇشتەردىڭ ەلەكتروندى بازاسىنا ەنگىزىلەدى.
قورعانىس مينيسترلىگىنىڭ بۇل جوباسى «ەلەكتروندىق ۇكىمەت» پورتالى جانە «ەGov» موبيلدىك قوسىمشاسى ارقىلى جۇمىس ىستەيتىن بولادى، دەپ حابارلايدى Almaty-akshamy.kz 24.kz-كە سىلتەمە جاساپ.
تىركەۋ بارىسىندا ازاماتتاردى اسكەري ەسەپكە الۋ، ولاردىڭ سانى مەن اسكەري قىزمەتكە جارامدىلىق ساناتى ايقىندالادى. ەندى جاستار اسكەري كومميسارياتتارعا تىركەلۋ ءۇشىن ساعاتتاپ كەزەكتە تۇرمايدى. سونداي-اق، دەنساۋلىق جاعدايى تۋرالى مالىمەتتەر ءتيىستى ۇيىمداردىڭ اقپاراتتىق جۇيەلەرىنەن الىناتىن بولادى. قىزمەت تۇرلەرىن اۆتوماتتاندىرۋ ارقىلى قاعازباستىلىق ازايادى. ەندى بارلىق قۇجات ەلەكتروندى تۇردە قولجەتىمدى بولماق.
دارحان احمەدييەۆ، ق ر قورعانىس ءمينيسترىنىڭ ورىنباسارى: - ازاماتتاردى شاقىرۋ ۋچاسكەلەرىنە تىركەۋ پروسەسى اۆتوماتتى تۇردە جاسالىناتىن بولادى. نەگىزى تىركەۋ پروسەستەرى قاڭتاردىڭ باسىنان، ناۋرىزدىڭ اياعىنا دەيىن جۇرگىزىلەدى. بۇل جۇمىستىڭ ارقاسىندا ءبىز مەملەكەت ءۇشىن 1 ميللياردتان استام قارجىسىن جانە ازاماتتاردىڭ ۋاقىتىن ۇنەمدەپ وتىرمىز.