الماتىدا بالالار قىزىلشامەن كوپ اۋىرعان

قىزىلشانى ەمدەۋدىڭ ناقتى ءادىسى جوق.

سانيتارلىق دارىگەرلەر الماتىداعى قىزىلشاعا قاتىستى جاعدايعا الاڭداپ وتىر، دەپ حابارلايدى Almaty-akshamy.kz

الماتىدا قىزىلشا بويىنشا قولايسىز ەپيدەميولوگيالىق جاعداي قالىپتاستى.

"بۇگىنگى تاڭدا قىزىلشانىڭ 1183 جاعدايى تىركەلدى، ونىڭ 88%-تەن استامى 14 جاسقا دەيىنگى بالالار"، - دەلىنگەن كوميتەت حابارلاماسىندا.

اۋرۋ نەگىزىنەن ۆاكسيناسيالانباعان بالالاردا تىركەلگەن (اۋىرعان بالالار سانىنىڭ 82%). ولار ەكپەدەن باس تارتقان، سونداي-اق ۆاكسيناسيادان مەديسينالىق اۋىتقۋلار مەن ەگۋ جاسىنا جەتپەگەندىكتەن ۆاكسيناسيا الماعان.

سونىمەن قاتار قىزىلشانى ەمدەۋدىڭ ناقتى ءادىسى جوق. الدىن الۋدىڭ جالعىز سەنىمدى قۇرالى – ول ۋاقتىلى ۆاكسيناسيا.

قىزىلشاعا قارسى ەكپەنى قاي جاستا الۋ كەرەك

ۇلتتىق ۆاكسيناسيا كۇنتىزبەسىنە سايكەس ەكپەلەر بالالارعا ەكى رەت جۇرگىزىلەدى: 12-15 اي جانە 6 جاستا.

ەكپە ءۇشىن ءۇندىستاننىڭ Serum Institute of India ينستيتۋتى شىعارعان قىزىلشاعا، قىزامىققا جانە پاروتيتكە قارسى ارالاس ۆاكسينا قولدانىلادى.

ۆاكسينالاردىڭ ساپاسى مەن قاۋىپسىزدىگىنە ددۇ كەپىلدىك بەرەدى.

قىزىلشا اۋرۋىنىڭ نەگىزگى بەلگىلەرى

قىزىلشا - دەنە تەمپەراتۋراسىنىڭ جوعارىلاۋى، مۇرىننان سۋ اعۋ، جوتەل سياقتى جرۆي بەلگىلەرى بار ۆيرۋستىق اۋرۋ، اۋرۋدىڭ 4-5ء-شى كۇنىنەن باستاپ بورتپە پايدا بولادى. ول جوعارى ينفەكسيامەن سيپاتتالادى جانە اۋا تامشىلارى ارقىلى بەرىلەدى.

ينفەكسيا ناۋقاس ادامنان جۇعادى. كەم دەگەندە قىزىلشا اۋرۋىمەن اۋىرعان اداممەن قىسقا مەرزىمدى بايلانىستا بولعانداردىڭ بارلىعى دەرلىك جۇقتىرادى.

قىزىلشا اۋرۋى باسقالارعا بورتپەدەن 4 كۇن بۇرىن جانە 4 كۇن ىشىندە ءقاۋىپتى. اۋرۋ ينفەكسيادان كەيىن 7-18 كۇن ىشىندە داميدى.