الماتىلىقتار تىكەلەي دەليگە ۇشا الادى

رەيستەر قىركۇيەكتىڭ سوڭىندا اشىلادى.

ءۇندىستاننىڭ ءىرى IndiGo اۋە كومپانياسى "دەلي – الماتى – دەلي" تىكەلەي رەيسىن ىسكە قوسادى، دەپ حابارلايدى Almaty-akshamy.kz مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.

رەيستەر قىركۇيەك ايىنىڭ سوڭىندا باستالادى جانە اپتاسىنا ءۇش رەت قاتىنايدى.

"جاڭا تىكەلەي رەيستەردى ىسكە قوسۋ بويىنشا كەلىسسوزدەر شەتەلدىك اۆياكومپانيالارمەن ۇنەمى جۇرگىزىلىپ تۇرادى. اتاپ ايتقاندا، سوڭعى ۋاقىتتا كاتار، ەگيپەت جانە قىتايعا ۇشۋ جيىلىگى ارتتى. شەتەلدىك كومپانيالار قازاقستانعا ۇلكەن قىزىعۋشىلىق تانىتۋدا. مىسالى، وسى جازدا وماننىڭ Salam Air اۋە كومپانياسى "الماتى – ماسكات" باعىتى بويىنش، اپتاسىنا 2 رەت جيىلىكپەن رەيس اشتى"، - دەدى مينيسترلىكتىڭ رەسمي وكىلى ءمولدىر ابدۋالييەۆا.

ۆەدومستۆونىڭ اقپاراتىنشا، دەلي – الماتى رەيسى ءۇندىستانداعى 75-تەن استام باعىتقا، سونداي-اق ازيانىڭ ءىرى قالالارىنا ۇشاتىن اۆياكومپانيا ءۇشىن 32ء-شى حالىقارالىق تىكەلەي بايلانىس سانالادى. سونداي-اق IndiGo-نىڭ ەۋروپا مەن سولتۇستىك امەريكادا ءوزىنىڭ سەرىكتەستىك كودتارى ارقىلى ۇلكەن جەلىسى بار.