“CyberPol” بولىمشەسىنىڭ حابارلاۋىنشا، ارنايى ءىس-شارا بارىسىندا شەتەلدىكتىڭ قىلمىستىق ارەكەتىنىڭ جولى كەسىلدى.
جەدەل مالىمەتتەرگە سايكەس، 41 جاستاعى گرۋزيا ازاماتى الماتى قالاسىنداعى ءبىرقاتار الاياقتىققا قاتىسى بار ەكەندىگى انىقتالدى، دەپ حابارلايدى Almaty-akshamy.kz.
ول ەكىنشى دەڭگەيلى بانكتەردەن نەسيە الۋعا ءوتىنىش بىلدىرگەن ازاماتتاردىڭ اقشاسىن الداپ، فيشينگتىك جولمەن يەمدەنىپ كەلگەن.
كەيبىر مالىمەتتەرگە سايكەس، شەتەلدىك ازامات بىرنەشە جىل بويى بۇل الداۋ تىزبەگىمەن اينالىسقان بولۋى مۇمكىن. قازىرگى ۋاقىتتا ونىڭ باسقا دا وسىعان ۇقساس دەرەكتەرگە قاتىسى بار-جوعى تەكسەرىلىپ جاتىر. كۇدىكتى قاماۋعا الىندى. ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.