اسكەردەگى ءولىم-جىتىمنىڭ الدىن الاتىن باعدارلاما ازىرلەندى

مينيسترلىك «حالىق ۇنىنە قۇلاق اساتىن مەملەكەت» قاعيداتىن ۇستاناتىنىن ايتتى.

اسكەري قىزمەتشىلەردىڭ جاراقاتتانۋى مەن قازاق بولۋىن ازايتۋ ماقساتىندا قورعانىس مينيسترلىگى «ءومىرىڭدى ساقتا» باعدارلاماسىن تانىستىردى، دەپ حابارلايدى Almaty-akshamy.kz Elorda.info-عا cىلتەمە جاساپ.

بۇعان قورعانىس مينيسترلىگى تاربيە جانە يدەولوگيالىق جۇمىستار دەپارتامەنتىنىڭ باستىعى، گەنەرال-مايور سەرىك بورامبايەۆ، قورعانىس ءمينيسترىنىڭ كەڭەسشىسى ايگۇل تولەمبايەۆا، ۇقك شەكارا قىزمەتى ديرەكتورىنىڭ ورىنباسارى، پولكوۆنيك تولەۋجان ءجۇنىسوۆ، ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، پولكوۆنيك قايرات ۇمبەتوۆ قاتىستى.

جيىن بارىسىندا ولار اسكەري قىزمەتشىلەر اراسىنداعى ورىن الاتىن وقيعالاردىڭ نەگىزگى سەبەپتەرى مەن باعدارلامانى ىسكە اسىرۋدىڭ ەداۋىر ءتيىمدى جولدارىن ءتۇسىندىردى.

«باعدارلامانىڭ مازمۇنى تاجىريبەدە قولدانۋعا بارىنشا ىڭعايلى. اقپاراتتىق-يميدجدىك بلوكتان باستاپ، اسكەري قىزمەتتىڭ قاۋىپسىزدىگىن قامتاماسىز ەتۋ ماقساتىندا اسكەري ينفراقۇرىلىم وبەكتىلەرىن جەتىلدىرۋ جونىندەگى جۇمىستاردان زاڭ شىعارۋ قىزمەتىنە دەيىنگى الدىن الۋ باعىتتارىنىڭ بارلىق كەشەنىن قامتىدىق. قازىرگى اسكەر – اشىق الەۋمەتتىك ينستيتۋت. ءبىز «حالىق ۇنىنە قۇلاق اساتىن مەملەكەت» قاعيداتىن ۇستانامىز»، - دەدى گەنەرال-مايور سەرىك بورامبايەۆ.

اسكەرلەردە قازىرگى زامانعى بايلانىس قۇرالدارىن پايدالانا وتىرىپ، مەرزىمدى قىزمەتتەگى ساربازداردىڭ تۋىستارى جانە جاقىندارىمەن قارىم-قاتىناس جاساۋ مۇمكىندىكتەرىن كەڭەيتۋ شارالارى دا قابىلدانىپ جاتىر.

«ءبىز «ءومىرىڭدى ساقتا» باعدارلاماسى بويىنشا جۇمىستىڭ بەس نەگىزگى باعىتىن ايقىندادىق. مەرزىمدى قىزمەتكەرلەر اراسىندا پروبلەمالىق ماسەلەلەردى شەشۋ، اتا-انالارمەن جانە قوعامدىق ۇيىمداردىڭ وكىلدەرىمەن جۇمىس جۇرگىزىلىپ جاتىر»، - دەدى پولكوۆنيك تولەۋجان ءجۇنىسوۆ.

جاڭا قۇجات قورعانىس، توتەنشە جاعدايلار، ىشكى ىستەر مينيسترلىكتەرىنىڭ، مەملەكەتتىك كۇزەت قىزمەتىنىڭ جانە ۇلتتىق قاۋىپسىزدىك كوميتەتىنىڭ بىرلەسكەن بۇيرىعىمەن بەكىتىلدى.

2022-2025 جىلدارعا ارنالعان «ءومىرىڭدى ساقتا» باعدارلاماسى ءۇش كەزەڭدە جۇزەگە اسىرىلاتىن بولادى.

ونىڭ ناتيجەلەرى 2026 جىلعى قاڭتاردا قورعانىس مينيسترلىگىنىڭ بىرلەسكەن القا وتىرىسىندا شىعارىلادى.