گينەكولوگيالىق وبىردىڭ الدىن الۋعا بولادى.
جىل سايىن 1400-گە جۋىق قازاقستاندىق ايەل گينەكولوگيالىق ىسىكتەن كوز جۇمادى.بۇل تۋرالى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ونكوگينەكولوگيا ورتالىعىنىڭ جەتەكشىسى ەرلان كۋكۋباسوۆ مالىمدەدى، دەپ حابارلايدى Almaty-akshamy.kz Baq.kz سىلتەمە جاساپ.
ايتۋىنشا، ەل اۋماعىندا ايەلدەر اراسىندا انىقتالعان قاتەرلى ىسىكتىڭ 11،5%-ىن گينەكولوگيالىق قاتەرلى ىسىكتەر قۇرايدى.
«ونىڭ ىشىندە، بەلگىلى بولعانداي، جاتىر موينى وبىرىنىڭ 1800 جاعدايى، ەندومەتريا وبىرىنىڭ 1200-دەن استام جاعدايى، انالىق بەز وبىرىنىڭ 1250 جاعدايى، ۆۋلۆا جانە قىناپ وبىرىنىڭ 150 جاعدايىنا تيەسىلى بولدى. جىل سايىن ەلىمىزدە گينەكولوگيالىق وبىردان 1 350-گە جۋىق ايەل كوز جۇمادى. ماسەلەن، 2020 جىلى الەمدە 1،3 ملن-نان استام ايەلگە گينەكولوگيالىق قاتەرلى ىسىك دياگنوزى قويىلدى. ولاردىڭ شامامەن 44%-ى – جاتىر موينى وبىرى، 29%-ى – ەندومەتريالىق قاتەرلى ىسىك، 23%-ى – انالىق بەز قاتەرلى ىسىگى جانە 5%-عا جۋىعى – باسقا گينەكولوگيالىق قاتەرلى ىسىك ەكەنى انىقتالدى. 2020 جىلى بۇكىل الەمدە 420 000 ايەل گينەكولوگيالىق قاتەرلى ىسىكتەن قايتىس بولدى»، - دەپ اتاپ ءوتتى ورتالىقتىڭ باسشىسى.
سونىمەن قاتار ول گينەكولوگيالىق وبىردىڭ الدىن الۋعا بولادى دەپ وتىر.
«تۇراقتى سكرينينگ پەن تەكسەرۋلەر، سونداي-اق سالاۋاتتى ءومىر سالتىن تاڭداۋ قاتەرلى ىسىكتەن قورعايدى. قاتەرلى ىسىك اۋرۋىنىڭ ەرتە دياگنوزىمەن ءتىپتى تولىق ەمدەلۋگە بولاتىندىعىن ەستە ۇستاعان ءجون. بيىل ەندومەتريا قاتەرلى ىسىگى باستى نازاردا بولادى. ەندومەتريالىق قاتەرلى ىسىك اۋرۋىنىڭ الدىن-الۋدىڭ نەگىزگى شارالارى – سالاۋاتتى ءومىر سالتىن تاڭداۋ جانە فيزيكالىق بەلسەندىلىكتى ساقتاۋ»، - دەدى دارىگەر.