الماتىدا جوباعا قاتىسۋشى نىسانداردىڭ سانى 2332-گە جەتتى.
29 ماۋسىم كۇنى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا «Ashyq جوباسىنىڭ ماسەلەلەرى» تاقىرىبىندا ونلاين باسپاسوز-كونفەرەنسياسى ءوتتى، وندا قالاداعى كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى سالتانات لەسبايەۆا Ashyq جوباسى كاسىپكەرلەرگە نەگە ءتيىمدى ەكەنىن ايتتى، دەپ حابارلايدى Almaty-akshamy.kz.
سالتانات لەسبايەۆانىڭ ايتۋىنشا، 4 ماۋسىم كۇنى جوباعا قوسىلعان نىسانداردىڭ سانى 1700 بولسا، بۇگىنگى تاڭدا ونىڭ سانى 2332-گە جەتتى.
«ونىڭ ىشىندە 186 سپا ورتالىعى، 24 بيليارد، 134 كومپيۋتەرلىك كلۋبى، 23 كينوتەاتر مەن فيلارمونيا، 22 بالالار ورتالىعى، 3 تەمىر جول ۆوكزالى جانە 15 قوناق ءۇي بار»، – دەدى سالتانات لەسبايەۆا.
ونىڭ ايتۋىنشا، بۇگىنگى تاڭدا Ashyq جوباسىنا قوسىلۋ ءادىسى ايتارلىقتاي جەڭىلدەتىلگەن، ەلەكتروندىق ساندىق قولتاڭبا بولسا بولعانى. ءوتىنىش ءبىر كۇندە قارالادى.