ماۋسىم ايىندا قالامىزدىڭ كوپتەگەن بيزنەس نىساندارى تۇرعىنداردىڭ كۆي-گە شالدىعۋ كورسەتكىشىنىڭ دەڭگەيىن كورسەتەتىن Ashyq جۇيەسىنە قوسىلا باستادى.
بۇگىن الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن «Ashyq جوباسىنىڭ ماسەلەلەرى» تاقىرىبىندا ونلاين باسپاسوز-كونفەرەنسياسىندا وسى جۇيە تۋرالى سۇراقتارعا الماتى قالاسى كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى سالتانات لەسبايەۆا جاۋاپ بەردى، دەپ حابارلايدى Almaty-akshamy.kz.
«ەڭ باستى پايداسى – قاۋىپسىزدىك، اۋرۋ جۇقتىرۋدىڭ ءقاۋپىن تومەندەتۋ. ىندەتتىڭ ءورشىپ تۇرعانىن ءبارىمىز بىلەمىز. ءبىراز ۋاقىت قاتاڭ كارانتيندىك شەكتەۋ تارتىبىندە جۇمىس ىستەدىك. كوپتەگەن بيزنەس نىساندارىنىڭ جۇمىسىنا تىيىم سالىندى. وسى تۇرعىدان قاراعاندا، «اshyq» جۇيەسى - جۇقتىرۋ ءقاۋپىن تومەندەتەتىن قوسىمشا قۇرال جانە بيزنەستىڭ قايتا جاندانۋىنا كومەك بەرەتىن مۇمكىندىك. بۇل تەك بيزنەس نىساندارىنا عانا ەمەس، كەلۋشى حالىققا دا پايدالى قوسىمشا، ويتكەنى مۇنداي جۇيەگە قوسىلعان نىسانعا «قىزىل»، «سارى» ستاتۋستاعى ادامداردىڭ كىرە المايتىنىن بىلەسىز، ياعني ءوزىڭىزدى ءقاۋىپسىز سەزىنەسىز»، - دەدى سپيكەر.