سالتانات لەسبايەۆا: ۆاكسينا الماعان ادامداردى ۇستاپ الماۋ كەرەك
Ashyq جۇمىس ىستەيتىن نىساندارعا «سارى» نەمەسە «قىزىل» مارتەبەسى بار ادامدار جىبەرىلمەۋى كەرەك.
Ashyq-تى ەنگىزگەن نىسانداردىڭ قىزمەتكەرلەرى «سارى» جانە «قىزىل» مارتەبەسى بار ادامداردى وزدىگىنەن ۇستاماۋى نەمەسە توقتاتپاۋى كەرەك. مۇنداي مالىمدەمەنى وكك الاڭىندا ونلاين-سۇحبات بارىسىندا الماتى قالاسى كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى سالتانات لەسبايەۆا جاسادى، دەپ حابارلايدى Almaty-akshamy.kz.
ونىڭ ايتۋىنشا، بارلىق ماسەلەلەر ق ر باس مەملەكەتتىك سانيتارلىق دارىگەرىنىڭ 3 ماۋسىمداعى №26 قاۋلىسىمەن رەتتەلەدى.
«باس مەملەكەتتىك سانيتارلىق دارىگەردىڭ قاۋلىلارىندا بەلگىلەنگەن شارتتار مەن كريتەرييلەر وزگەرەتىنى تۇسىنىكتى. سونىمەن قاتار، بارلىق قاجەتتى الگوريتمدەر ناقتى جانە انىق جازىلعان»، – دەدى كاسىپكەرلەر پالاتاسىنىڭ وكىلى «ۆەچەرنيي الماتى» گازەتى ءتىلشىسىنىڭ سۇراقتارىنا جاۋاپ بەرە وتىرىپ.
سونىمەن قاتار، سالتانات لەسبايەۆا تىم قۇلشىنىس تانىتپاۋدى ءوتىندى.
«سارى» جانە «قىزىل» مارتەبەسى بار ادامداردى ۇستاپ الۋدىڭ نەمەسە توقتاتۋدىڭ قاجەتى جوق. بارلىق قاجەتتى اقپاراتتى سانيتارلىق دارىگەرلەردىڭ نازارىنا جەتكىزۋ كەرەك. ولاردىڭ تاراپىنان اكىمشىلىك جاۋاپكەرشىلىك شارالارى قابىلدانادى»، - دەدى كاسىپكەرلەر پالاتاسىنىڭ وكىلى.