كاسىپكەرلىك نىساندارى Ashyq جوباسىنا ەكى كۇندە تىركەلە الادى. بۇل تۋرالى «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ مالىمدەدى، دەپ حابارلايدى almaty-akshamy.kz.
«مەملەكەت باسشىسى Ashyq جوباسىنداعى بيۋروكراتيالىق راسىمدەر تۋرالى ورىندى سىن ايتتى. ءبىز ارىپتەستەرىمىزبەن جانە سانيتارلىق دارىگەرلەرمەن بىرگە تالداۋ جۇرگىزدىك. وندا الگوريتم ءىس جۇزىندە دايىن، قاۋلى جۇزەگە اسىرىلادى. وڭتايلاندىرۋ مەن رەينجينيرينگ پروسەستەرى 7 كۇنگە سوزىلدى، ويتكەنى سانيتار دارىگەرلەردىڭ ماقۇلداۋى قاجەت بولدى. بۇل - قولمەن جاسالاتىن پروسەدۋرا. ءارى قاراي ءبىزدىڭ ايماقتىق وكىلدەردەن رۇقسات الۋ كەرەك بولدى. ەندى ءبىز بۇل پروسەستەردىڭ ءبارىن الىپ تاستادىق. بۇكىل پروسەستەر اۆتوماتتاندىرىلادى، جوباعا 2 كۇن ىشىندە تىركەلۋگە بولادى»، - دەپ ءتۇسىندىردى ابىلاي مىرزاحمەتوۆ ورتالىق كوممۋنيكاسيالار قىزمەتىندە.
ونىڭ ايتۋىنشا، نورماتيۆتىك قۇجاتقا قول قويىلعاننان كەيىن ۆەدومستۆو الگوريتمدى جاريالايدى.
«ءبىزدىڭ infokazakhstan پلاتفورماسىندا 450 مىڭعا جۋىق كاسىپكەر تىركەلگەن، ونىڭ 90% قىزمەت كورسەتۋ سالاسىندا جۇمىس ىستەيدى. ءبىز كارانتيندى كۇشەيتكەن بەس قالادا 100 مىڭعا جۋىق سۋبەكت، 30-عا جۋىق قىزمەت كورسەتۋ سالاسى تەك Ashyq جۇيەسى بويىنشا جۇمىس ىستەيدى دەپ جوسپارلاپ وتىرمىز. ەرتەڭنەن باستاپ كاسىپكەرلىك نىساندارىنا، وڭىرلەردەگى جەكە كاسىپكەرلەرگە كومەك كورسەتىلەدى»، - دەدى ا.مىرزاحمەتوۆ.