جۇلدەگەرلەردى ەلى كۇتىپ الدى.
وليمپيادانىڭ قولا جۇلدەگەرلەرى يگور سون مەن زۋلفيا چينشانلو الماتىعا كەلدى، دەپ حابارلايدى Almaty-akshamy.kz. Zakon.kz-كە سىلتەمە جاساپ.
وليمپيادا جۇلدەگەرلەرىن الماتى اۋەجايىندا قارسى الۋ ءۇشىن جۇزدەگەن قازاقستاندىقتار جينالدى. ولاردىڭ قولدارىندا قازاقستاننىڭ تۋلارى، چينشانلو مەن سون بەينەلەنگەن پلاكاتتار مەن گۇلدەر بولعان. ءبىراق سپورتشىلاردىڭ ءوزى جانكۇيەرلەردى ءسال كەيىنىرەك كوردى.
ولار جۋرناليستەرمەن اۋەجايدا ۇيىمداستىرىلعان باسپا ءسوز كونفەرەنسياسىندا كەزدەستى.
وزدەرىنە دەگەن ۇلكەن ءىلتيپاتتان ۇيالعان سپورتشىلار ءبىرقاتار سۇراقتارعا جاۋاپ بەردى.
يگور سون «قولانى» قالاي جەڭىپ العانىن تۇسىنبەگەنىن مويىندادى. جەڭىس كۇتپەگەن جاعدايدا بولعان.
«الەم چەمپيونى بولدى، ءبىرىنشىسى، ەكىنشىسى (قارسىلاستارى - رەد.) وتە مىقتى. ءۇشىنشى ورىن ءۇشىن بەس ادام تالاستى. تۇسىنىكسىز بولدى (مەنىڭ «قولانى» جەڭىپ العانىم - رەد.). ءبىز، ارينە، مەدال ءۇشىن كۇرەستىك. ەگەر مۇمكىندىگىمىز بولسا، مەدال ءۇشىن كۇرەسەمىز دەپ جوسپارلادىق. سولاي بولدى، مەن «قولانى» جەڭىپ الدىم»، - دەدى ول.
زۋلفيا چينشانلو وليمپيادادان كەيىن دەمالۋدى جانە جاڭا كۇشپەن جاتتىعۋدى باستاۋدى جوسپارلاپ وتىرعانىن ايتتى. سپورتشى قازاقستانعا اكەلىنگەن «قولاعا» ريزا ەكەندىگىن جەتكىزدى.
«ماعان بۇرىنعى قالپىما كەلۋ وتە قيىن بولدى، بۇل قيىن پروسەسس. سوندىقتان بۇگىنگى قولا مەدال - كەرەمەت جەتىستىك»، - دەپ ءتۇسىندىردى ول.
اۋەجايدان شىعا بەرىستە ولاردى جانكۇيەرلەرى مەن تۋعان-تۋىستارى باپكەرلەرىمەن بىرگە شىعارىپ سالدى.