«قازگيدرومەتتىڭ» حابارلاۋىنشا، بۇگىن كۇن اشىق بولادى.
تەك قانا سولتۇستىك، ورتالىق پەن وڭتۇستىك-شىعىستا اتموسفەرالىق اۋا اعىندارى بولىكتەردىڭ ءوتۋى اسەرىنەن نايزاعاي جارقىلداپ، وتكىنشى جاڭبىر، بۇرشاق جاۋۋى مۇمكىن.
رەسپۋبليكا بويىنشا كەي جەرلەردە جەل كۇشەيىپ، وڭتۇستىك جانە وڭتۇستىك-شىعىستا شاڭدى داۋىل تۇرادى دەپ كۇتىلۋدە. جامبىل، تۇركىستان، قىزىلوردا وبلىستارىنىڭ كەي جەرلەرىندە شاڭدى داۋىل تۇرىپ، جەل 15-20 م/س كۇشەيەدى.
جامبىل وبلىسىندا كۇندىز تاۋلى اۋدانداردا بۇرشاق جاۋۋى ىقتيمال.
قاراعاندى، سولتۇستىك قازاقستان، تاڭەرتەڭ جانە كۇندىز پاۆلودار، كۇندىز اقمولا وبلىستارىندا جەلدىڭ جىلدامدىعى 15-20 م/س جەتەدى، تۇندە سولتۇستىك قازاقستان وبلىسىنىڭ كەي جەرلەرىندە بۇرشاق جاۋۋى مۇمكىن.
كۇندىز الماتى وبلىسىنىڭ تاۋلى اۋداندارىندا بۇرشاق ءتۇسۋ مۇمكىن.
كۇندىز جامبىل وبلىسىندا اپتاپ ىستىق ساقتالادى، باتىس قازاقستان وبلىسىنىڭ وڭتۇستىك-باتىسىندا دا قاتتى ىستىق بولادى. قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، اتىراۋ، الماتى، اقتوبە، قاراعاندى وبلىستارىنىڭ كەي جەرلەرىندە، قوستاناي وبلىسىنىڭ وڭتۇستىگىندە، اقمولا، شىعىس قازاقستان وبلىستارىنىڭ جەكەلەگەن اۋداندارىندا ءورت ءقاۋپى ساقتالادى.