بۇل جوبا ماۋسىم ايىنىڭ سوڭىنا دەيىن اۋەجايلار مەن تەمىرجول ۆوكزالدارىندا جۇزەگە اسىرىلادى.
بۇل تۋرالى ق ر دەنساۋلىق ساقتاۋ ءمينيسترى الەكسەي سوي ۇكىمەت وتىرىسىندا مالىمدەدى، دەپ حابارلايدى Almaty-akshamy.kz.
«بۇگىندە Ashyq جۇيەسىمەن قىزمەتتىڭ بارلىق سالاسىنداعى 10 مىڭنان استام نىسان قامتىلعان. 2 ملن 100 مىڭ قولدانۋشى تىركەلگەن. ۆاكسيناسيا پاسپورتىن Ashyq قوسىمشاسىمەن ىقپالداستىرۋ جۇرگىزىلىپ جاتىر. ماۋسىم ايىنىڭ سوڭىنا دەيىن Ashyq جوباسىن اۋەجايلاردا، تەمىر جول ۆوكزالداردا ەنگىزۋ جوسپارلانىپ وتىر. وسى رەتتە ايتا كەتەرلىگى، Ashyq جوباسى ەنگىزىلگەن ساتتەن بەرى پتر تەستىلەۋدىڭ وڭ ناتيجەسىمەن 4 401 ادام جانە بايلانىستا بولعان 3 981 تۇلعا انىقتالدى»، - دەدى مينيستر.
ونىڭ ايتۋىنشا، وكىنىشكە قاراي كەيبىر ازاماتتار اۋرۋ ەكەنىن جانە ۆيرۋستى جۇقتىرىپ العانىن بىلە تۇرا، ۇيدە وقشاۋلانۋ رەجيمىن ساقتامايدى. ادامدار كوپ باراتىن نىساندارعا بارىپ، ەلدىڭ ىشىندە ءجۇرىپ-تۇرۋعا ۇمتىلادى. سول ارقىلى توڭىرەگىندەگى ادامدارعا ءقاۋىپ توندىرەدى.
«وسىعان وراي مينيسترلىك ەرەجە بەكىتىپ، ول كۇشىنە ەندى. وعان سايكەس، كارانتين رەجيمىن بۇزۋشىلار ايىپپۇل تۇرىندەگى اكىمشىلىك جاۋاپكەرشىلىككە تارتىلادى. ونىڭ كولەمى 87 مىڭ تەڭگەدەن اسىپ جىعىلادى»، - الەكسەي سوي.