15 ماۋسىمدا الماتى قالاسىندا وتكىزىلەتىن Almaty Management University (AlmaU) ۋنيۆەرسيتەتى بازاسىندا العاشقى شەتەلدىك «قايناۋ نۇكتەسى» اشىلادى
ول مەملەكەت، بيزنەس جانە ساراپشىلار قاۋىمداستىعىنىڭ وكىلدەرى اراسىندا پىكىر مەن تاجىريبە الماسۋ ءۇشىن ءتيىمدى ديالوگ الاڭىنا اينالماق، دەپ حابارلادى Almaty-akshamy.kz ق ر ەكونوميكا مينيسترلىگىنىڭ تاراتقان حابارىنا سىلتەمە جاساپ.
بۇگىن ق ر ۇلتتىق ەكونوميكا ءمينيسترى اسەت ەرعالييەۆتىڭ ستراتەگيالىق باستامالار اگەنتتىگىنىڭ وكىلدەرىمەن كەزدەسۋى بارىسىندا تاراپتار قازاقستان مەن رەسەي اراسىندا ينۆەستيسيالىق احۋالدى جەتىلدىرۋ، بيزنەستى دامىتۋ جانە مەملەكەتتىڭ ستراتەگيالىق جوسپارلاۋ ماسەلەلەرى بويىنشا تاجىريبە الماسۋ مۇمكىندىگىن قاراستىردى.
مينيستر قازاقستاندا ينۆەستيسيا ءۇشىن بارىنشا قولايلى جاعداي جاسالاتىنىن اتاپ ءوتتى. «ءبىزدىڭ ستراتەگيالىق مىندەتىمىز – 2025 جىلعا قاراي شەتەلدىك ينۆەستيسيا كولەمىن جىلىنا $30 ملرد-قا دەيىن ارتتىرۋ. بۇل نەگىزگى كاپيتالعا سالىنعان ينۆەستيسيانى 30% دەڭگەيىندە قامتاماسىز ەتۋگە مۇمكىندىك بەرەدى»، - دەدى اسەت ەرعالييەۆ.
ەرعالييەۆتىڭ ايتۋىنشا، قولايلى ينۆەستيسيالىق احۋال قالىپتاستىرۋ جانە ينۆەستيسيا اعىنىن ىنتالاندىرۋ ءۇشىن ينۆەستورلارعا مەملەكەتتىك قولداۋ شارالارى ۇسىنىلۋدا: سالىق جەڭىلدىگى، زاتتاي گرانت بەرۋ، سونداي-اق قولداۋدىڭ جاڭا قۇرالى – مەملەكەت پەن ينۆەستور اراسىنداعى بارلىق ۋاعدالاستىقتى زاڭنامالىق تۇردە بەكىتەتىن ينۆەستيسيالار تۋرالى كەلىسىم زاڭنامالىق تۇردە ەنگىزىلدى.
ءوز كەزەگىندە، رف سبا باس ديرەكتورى سۆەتلانا چۋپشيەۆا اگەنتتىكتىڭ مەملەكەتتىك باسقارۋ جانە ينۆەستيسيا تارتۋ ماسەلەسىندەگى باستامالارى تۋرالى بايانداپ، اعىمداعى جىلى 15 ماۋسىمدا الماتى قالاسىندا Almaty Management University (AlmaU) ۋنيۆەرسيتەتى بازاسىندا وتكىزىلەتىن العاشقى شەتەلدىك «قايناۋ نۇكتەسىنىڭ» اشىلۋى تۋرالى ەسكە سالدى.
«الماتىداعى «قايناۋ نۇكتەسى» مەملەكەت، بيزنەس جانە ساراپشىلار قاۋىمداستىعىنىڭ وكىلدەرى اراسىندا پىكىر مەن تاجىريبە الماسۋ ءۇشىن ءتيىمدى ديالوگ الاڭىنا اينالاتىنىنا سەنىمدىمىن»، - دەدى س.چۋپشيەۆا.
قورىتىندىلاي كەلە، ۇەم باسشىسى ينۆەستيسيالىق احۋالدى جەتىلدىرۋ جانە مەملەكەتتىڭ ستراتەگيالىق جوسپارلاۋ ماسەلەلەرى بويىنشا رەسەيلىك تاجىريبەنى زەردەلەۋگە دايىن ەكەنىن ءبىلدىردى.
رف سبا باسشىسى دا قازاقستاننىڭ مەملەكەتتىك، جەكە سەكتورىمەن جانە قوعامىمەن بەرىك ىسكەرلىك بايلانىس ورناتۋعا مۇددەلىلىك ءبىلدىردى.
انىقتاما: «جاڭا جوبالاردى ىلگەرىلەتۋ جونىندەگى ستراتەگيالىق باستامالار اگەنتتىگى» دەربەس كوممەرسيالىق ەمەس ۇيىمى (بۇدان ءارى - سبا) رەسەي فەدەراسياسى ۇكىمەتىنىڭ 2011 جىلعى 11 تامىزداعى وكىمىمەن قۇرىلعان. سبا رەسەي فەدەراسياسى پرەزيدەنتىنىڭ جوبالىق كەڭسەسى رەتىندە ارەكەت ەتەدى جانە ىسكەرلىك احۋالدى جاقسارتۋ، تەحنولوگيالىق دامۋ جانە يننوۆاسيالاردى قولداۋ، ءبىلىم بەرۋ جانە كادرلاردى دايارلاۋ، دەنساۋلىق ساقتاۋ جانە الەۋمەتتىك قىزمەت كورسەتۋ، وڭىرلىك جانە قالالىق دامۋ، جاسىل ەكونوميكا جانە جاۋاپتى تۋريزم سالاسىنداعى جۇيەلى وزگەرىستەرگە باعىتتالعان جوبالاردى ىسكە اسىرادى.
«قايناۋ نۇكتەسى» - ۇجىمدىق جۇمىس ءۇشىن كەڭىستىك. مۇندا كەز-كەلگەن ادام Leader-ID قىزمەتى نەگىزىندە ءبىلىم بەرۋ مەن ىسكەرلىك ءىس-شارالاردى تەگىن ۇيىمداستىرا الادى نەمەسە قاتىسا الادى، كاسىبي قاۋىمداستىقتاردا ءبىلىم بەرىپ، وقي الادى، جوبانى جۇزەگە اسىرۋ ءۇشىن توپ جيناپ، بۇكىل ەل بويىنشا ساراپشىلار نەمەسە ينۆەستورلار تابا الادى. قازىرگى ۋاقىتتا رەسەيدە 114 «قايناۋ نۇكتەسى» بار.