الماتىداعى باس بوتانيكالىق ب ا ق بۇگىندە تەك ەرەكشە قورعالاتىن تابيعي ايماق قانا ەمەس، عىلىم، تابيعات، ونەر مەن قوعامدى بىرىكتىرگەن ماڭىزدى ورتالىققا اينالدى. مۇندا ونداعان ەكولوگيالىق، عىلىمي، مادەني جانە ءبىلىم بەرۋ جوبالارى جۇزەگە اسىپ جاتىر. بۇل تۋرالى الماتى قالاسى وڭىرلىك كوممۋنيكاسيالار قىزمەتىندە وتكەن باسپا ءسوز كونفەنسياسىندا حابارلاندى.
كەيىنگى جىلدارى باقتىڭ تانىمالدىلىعى ارتىپ كەلەدى. بوتانيكالىق باقتىڭ ماركەتينگ جانە قوعاممەن بايلانىس ءبولىمىنىڭ جەتەكشىسى بايان كوسپەنبەتوۆانىڭ ايتۋىنشا، بوتانيكالىق ب ا ق – ويىن-ساۋىق الاڭى ەمەس، سونىمەن قاتار، عىلىمي جانە تابيعاتتى قورعاۋ ورنى.
"ءبىزدىڭ ءىس-شارالارعا دەگەن قىزىعۋشىلىق جىلدان جىلعا ارتىپ كەلەدى. ەگەر 2021 جىلى باققا شامامەن 300 مىڭ ادام كەلسە، بىلتىر بۇل كورسەتكىش 600 مىڭعا جەتكەن ەدى. ەندى بىزگە جاي سەرۋەندەپ قانا قويماي، تابيعاتقا قۇرمەتپەن قارايتىن، وسىمدىكتەردى ەرەكشە باعالايتىن ادامدار كەلسە دەيمىز"، – دەيدى ول.
ب ا ق اۋماعىندا ەكولوگيالىق جانە ءبىلىم بەرۋ باعدارلامالارى تۇراقتى تۇردە وتەدى. ولاردىڭ قاتارىندا: "ءبىلۋ - ءسۇيۋ ءۇشىن" باعدارلاماسى، ەكسكۋرسيالار، بالالار مەن وتباسىلارعا ارنالعان شەبەرلىك ساباقتارى بار. سونىمەن قاتار Tabiğat Labs جوباسى، ءتۇرلى اشىق دارىستەر، "جاسىل رەيندجەرلەر كلۋبى" مەن Bookكۋلتۋرا مادەني كلۋبىنىڭ كەزدەسۋلەرى ۇيىمداستىرىلادى. مادەني ءىس-شارالاردىڭ ىشىندە InEco Fest فەستيۆالى، سيۆەرس الماسىنىڭ گۇلدەۋ مەرەكەسى، سونداي-اق جامبىل اتىنداعى فيلارمونيا ارتىستەرىنىڭ قاتىسۋىمەن وتەتىن اشىق اسپان استىنداعى كونسەرتتەر ەرەكشە ورىن الادى. الەۋمەتتىك باعىتتاعى جوبالار دا جالعاسۋدا - مەكتەپ-ينتەرنات وقۋشىلارى مەن "ماماپرو" جوباسىنىڭ قاتىسۋشىلارىنا ەكسكۋرسيالار مەن تەگىن شەبەرلىك ساباقتارى وتكىزىلەدى. قازان ايىنىڭ سوڭىنا دەيىن زەينەتكەرلەر جۇمىس كۇندەرى باققا تەگىن كىرە الادى.
ب ا ق ەكولوگيا جانە تابيعي رەسۋرستار مينيسترلىگىنە قاراستى بوتانيكا جانە فيتوينترودۋكسيا ينستيتۋتىنىڭ باسقارۋىندا. ينستيتۋتتا 11 عىلىمي زەرتحانا جۇمىس ىستەيدى جانە ونىڭ قاراماعىندا قازاقستانداعى ءتورت بوتانيكالىق ب ا ق بار. ولار: الماتىداعى باس ب ا ق، ىلە، جەزقازعان جانە استانا باقتارى.
ينستيتۋت عالىمدارى وسىمدىكتەر الەمىن زەرتتەپ، سيرەك كەزدەسەتىن تۇرلەردى قورعاۋمەن اينالىسادى. زەرتتەۋ جۇمىستارى تەك ب ا ق اۋماعىندا عانا ەمەس، ەلدىڭ بارلىق وڭىرىندە جۇرگىزىلەدى.
"ءبىز زەرتتەۋدە گەواقپاراتتىق جۇيەلەر مەن درونداردى قولدانامىز. ولار ارقىلى تاۋ مەن شوقىلارداعى وسىمدىكتەردىڭ جاي-كۇيىن باقىلايمىز. درون كومەگىمەن وسىمدىكتەردىڭ تارالۋ ايماقتارىن ءتۇسىرىپ، سيرەك كەزدەسەتىن تۇرلەر وسەتىن ورىندارعا GPS بەلگىلەرىن ورناتامىز. وسى دەرەكتەردىڭ نەگىزىندە ەرەكشە قورعاۋدى قاجەت ەتەتىن ايماقتاردى انىقتايمىز"، – دەيدى گەوبوتانيكا زەرتحاناسىنىڭ جەتەكشى عىلىمي قىزمەتكەرى قاپار ۇسەن.
بوتانيكالىق باقتا ەرىكتىلەر قوزعالىسى دا قارقىندى دامىپ كەلەدى. ءار سەنبى سايىن ساعات 10:00-دە باتىس كىرەبەرىستە جينالاتىن "جاسىل رەيندجەرلەر كلۋبىنا" كەز كەلگەن ادام تەگىن قاتىسا الادى.
"ءبىز ەرىكتىلەرمەن تىعىز جۇمىس ىستەيمىز. كەلۋشىلەرگە بيولوگتار مەن ەكولوگتار ءدارىس وقيدى، ال ەكو-ۆولونتەرلەر ءوز يدەيالارىمەن بولىسەدى. ولار وسىمدىكتەردى كۇتۋگە كومەكتەسىپ، ءتۇرلى جوبالارعا قاتىسادى. سونىمەن قاتار بىزدەگى "جاسىل پاترۋل" توبى باقتاعى ءتارتىپتى ساقتاۋعا جاردەمدەسەدى"، - دەيدى ماركەتينگ جانە قوعاممەن بايلانىس ءبولىمىنىڭ جەتەكشىسى.
باس بوتانيكالىق باققا كەلگەن ءار ادام عىلىم مەن تابيعاتتى قورعاۋعا ءوز ۇلەسىن قوسا الادى. سەبەبى بيلەتتەردەن تۇسكەن بارلىق قاراجات عىلىمي زەرتتەۋلەر مەن تابيعاتتى ساقتاۋ جوبالارىنا جۇمسالادى.