ازىق-تۇلىك قاۋىپسىزدىگىن قامتاماسىز ەتۋ ءۇشىن اۋىل شارۋاشىلىعى مينيسترلىگى مال شارۋاشىلىعى ونىمدەرىنىڭ تولىق قاداعالانۋىن قامتاماسىز ەتۋ جۇمىستارىن جۇرگىزۋدە، دەپ حابارلايدى اlmaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
اۋىلشارۋاشىلىعى جانۋارلارىن تەكسەرىسسىز سويۋعا جول بەرمەۋ ماقساتىندا الدىمەن ۆەتەريناريالىق تەكسەرۋدى جانە سويۋدان كەيىنگى ۆەتەريناريالىق-سانيتاريالىق ساراپتامانى وتكىزۋ ءۇشىن «ەتتى ۆەتەريناريالىق-سانيتاريالىق ساراپتاۋ» ءمودۋلى ازىرلەندى.
جۇيە سويۋ جانە ىشكى ساۋدا وبەكتىلەرىندە ۆەتەريناريالىق-سانيتاريالىق ساراپتامادان وتكەننەن كەيىن ساراپتاما اكتىسىن بەرۋدىڭ بيزنەس-پروسەستەرىن اۆتوماتتاندىرادى، سونداي-اق جانۋاردىڭ تولىق ومىرلىك سيكلى تۋرالى اقپاراتى بار QR-كودتى قالىپتاستىرادى. بۇل QR ەت ساتۋ ورىندارىندا ورنالاستىرىلادى، مالداردى ۆەتەرينارلىق تەكسەرۋسىز جانە ۇشالار مەن اعزالاردى ساراپتاماسىز سويۋدىڭ الدىن الۋعا مۇمكىندىك بەرەدى.
قازىرگى تاڭدا جوبا ىسكە قوسىلىپ، بارلىق وبلىستار مەن رەسپۋبليكالىق ماڭىزى بار قالالاردا جۇمىس ىستەۋدە. وعان 1664 مال سويۋ ورنى، ۆەتەرينارلىق-سانيتارلىق ساراپتاما زەرتحانالارى، ساۋدا ورىندارى قوسىلعان. جۇيەدە 1470-تەن استام ۆەتەرينار، ۆەتەريناريالىق-سانيتاريالىق ساراپتاما زەرتحاناسىنىڭ قىزمەتكەرى جانە مەملەكەتتىك ۆەتەريناريالىق-سانيتاريالىق ينسپەكتورلار تىركەلگەن.
QR-كود ارقىلى 117 مىڭنان استام ۆەتەريناريالىق انىقتاما بلانكىلەرى جانە 438 مىڭ ساراپتاما قورىتىندىسى شىعارىلدى.
جۇيە رەسەي فەدەراسياسىمەن شەكارالاس شارباقتى ۆەتەرينارلىق باقىلاۋ پۋنكتىندە سىناقتان ءساتتى ءوتتى.