سوت ۇكىمىمەن بورىشكەر «T» كامەلەتكە تولماعان ەكى بالاسىن اسىراۋ ءۇشىن اليمەنت تولەۋ جونىندەگى مىندەتتەرىن ءۇش جىل بويى ورىنداماعاندىقتان 1 جىل مەرزىمگە باس بوستاندىعىننان ايىرىلدى، دەپ حابارلايدى اlmaty-akshamy.kz جەتىسۋ وبلىسىنىڭ پروكۋراتۋراسىنا سىلتەمە جاساپ.
ونىڭ اليمەنت بويىنشا بەرەشەكتەرى 2،5 ملن تەڭگەدەن اسىپ، بۇل كامەلەتكە تولماعان بالالاردى اسىراۋدا ماتەريالدىق قيىندىقتارعا اكەلدى.
پروكۋراتۋرانىڭ قاداعالاۋ اكتىسى نەگىزىندە وعان قاتىستى ق ر قىلمىستىق كودەكسىنىڭ 139-بابى (بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەپ-تەكسەرۋ ءىسى جۇرگىزىلىپ، سوتقا جولداندى.
تاعى ءبىر جاعدايدا، بورىشكەر «M»-عا قاتىستى ءىسى سوت تالقىلاۋى بارىسىندا 1 ملن تەڭگە كولەمىندەگى قارىزىن تولىق وتەۋىنە بايلانىستى سوتپەن توقتاتىلدى.
وبلىستىق پروكۋراتۋرا اليمەنت تولەمەگەنى ءۇشىن اكىمشىلىك جانە قىلمىستىق جاۋاپكەرشىلىك، سونداي-اق 2 جىلعا دەيىن باس بوستاندىعىنان ايىرۋ جازاسى كوزدەلگەنىن ەسكەرتەدى.
بالالارعا قامقورلىق جاساۋ - اتا-انانىڭ باستى مىندەتى!