ءانشى اسحات تارعىن الماتى ورتاق ءۇيىمىز، سوندىقتان ءار تۇرعىن ونىڭ تازالىعىنا ۇلەس قوسۋى كەرەك دەپ ەسەپتەيدى. بۇل ناۋقانعا ونەر ادامدارى قول ۇشىن سوزىپ، قالانىڭ كوركەيۋىنە، تازالىعىنا اتسالىسىپ جاتىر. سەنبىلىكتەرگە شىعىپ، قاعاز، پلاستيك بوتەلكە مەن ت.ب. قوقىستاردى جيناۋدى ادەتكە اينالدىرعان.
«قالا – بارىمىزگە ورتاق، سوندىقتان تازالىقتى اركىم وزىنەن باستاۋى ءتيىس. ءۇي اۋلاسىن، اينالاسىن تازا ۇستاۋ – قورشاعان ورتاعا دەگەن قۇرمەتتىڭ بەلگىسى. ەگەر ءار تۇرعىن تازالىققا جاۋاپكەرشىلىكپەن قاراسا، تابيعاتىمىز تازا، ال قالامىز اسەم ءارى جايلى بولادى دەپ سەنەمىن»، - دەپ ءسوزىن تۇيىندەدى ءانشى.