بۇگىن الماتى قالاسىندا «الماتى – ءبىزدىڭ ورتاق ءۇيىمىز» اتتى ۇلكەن قالالىق سەنبىلىك ءوتىپ جاتىر. ءىس-شارانىڭ باستى ماقساتى – قالانى تازا ۇستاۋ، ەكولوگيانى جاقسارتۋ جانە ەڭ باستىسى، كەلەشەك ۇرپاققا ونەگە كورسەتۋ. قازىرگى تاڭدا مەگاپوليستە حالىق سانى 2 ميلليوننان استى. سوندىقتان ءار ادام قورشاعان ورتانىڭ تازالىعىنا ۇلەس قوسۋى كەرەك. بۇل «الاتاۋ» ءداستۇرلى ونەر تەاترىنىڭ اكتەرى وڭداسىن بەسىكباسوۆتىڭ پىكىرى.
«ەگەر تۇراتىن جەرىمىز تازا بولسا، اۋامىز دا تازا بولادى. بۇل ءبىزدىڭ نەمەرە-شوبەرەلەرىمىزدىڭ دەنساۋلىعى ءۇشىن ماڭىزدى. سوندىقتان مۇنداي سەنبىلىكتەر اي سايىن ۇيىمداستىرىلىپ، تۇراقتى تۇردە وتكىزىلىپ تۇرعانى دۇرىس دەپ ەسەپتەيمىن. ءتىپتى، ارنايى ءىس-شارانى كۇتپەي-اق، ءار ادام كۇندەلىكتى جۇرگەن جەرىن تازا ۇستاسا، قالامىز كوركەيە تۇسەر ەدى»، - دەيدى تەاتر اكتەرى.