قارۋلى كۇشتەردىڭ اسكەري بولىمدەرىنە داڭقتى قولباسشىلاردىڭ ەسىمدەرى بەرىلدى

باتىرلاردىڭ ەسىمدەرى كەزدەيسوق تاڭدالعان جوق.

ق ر قارۋلى كۇشتەرىنىڭ اسكەري بولىمدەرىنە داڭقتى قولباسشىلاردىڭ ەسىمدەرى بەرىلدى، دەپ حابارلايدى Almaty-akshamy.kz  مينيسترلىكتىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتىنشە، قورعانىس ءمينيسترىنىڭ ديرەكتيۆاسىمەن 37ء-شى دەسانتتىق-شابۋىلداۋ بريگاداسىنا كەڭەس وداعىنىڭ باتىرى، گەنەرال-مايور يۆان پانفيلوۆتىڭ ەسىمى، 5ء-شى مەحانيكالاندىرىلعان بريگاداعا كەڭەس وداعىنىڭ باتىرى، حالىق قاھارمانى پولكوۆنيك باۋىرجان مومىش ۇلىنىڭ ەسىمى بەرىلدى. بۇل اسكەري بولىمدەرگە باتىرلاردىڭ ەسىمدەرى كەزدەيسوق تاڭدالعان جوق. الماتى وبلىسىندا 37ء-شى دەسانتتىق-شابۋىلداۋ بريگاداسى ورنالاسقان. ول جەردە 1941 جىلدىڭ جازىندا گەنەرال-مايور يۆان پانفيلوۆتىڭ باسشىلىعىمەن ەل اۋزىندا «پانفيلوۆشىلار» اتىمەن بەلگىلى 316-شى اتقىشتار ديۆيزياسى قۇرىلدى. 5ء-شى مەحانيكالاندىرىلعان بريگادا بولسا تاراز گارنيزونىندا، بۇل جامبىل وبلىسى جۋالى اۋدانىنىڭ تۋماسى، اتاقتى قولباسشى باۋىرجان مومىش ۇلى تۋعان ايماقتا ورنالاسقان. بۇنداي يگى باستامانى اسكەري بولىمدەردىڭ جەكە قۇرامى مەن قورعانىس مينيسترلىگىنىڭ باسشىلىعى تۇتاستاي قولداعان بولاتىن. قورىتىندى وڭ شەشىمدى ۇكىمەت جانىنداعى رەسپۋبليكالىق ونوماستيكا كوميسسياسى شىعاردى.

«اسكەري بولىمدەرگە جاۋىنگەر قولباسشىلاردىڭ ەسىمدەرىن بەرۋ ءفاشيزمدى جەڭۋگە، اسكەري عىلىمدى، تاكتيكانى جانە شۇعىل ۇرىس ونەرىن دامىتۋعا ەلەۋلى ۇلەس قوسقان اتى اڭىزعا اينالعان قولباسشىلاردى جادىمىزدا ماڭگى ساقتاۋعا جانە جاۋىنگەرلىك ءداستۇردىڭ ساباقتاستىعىن جالعاستىرۋعا ىقپال ەتەرى ءسوزسىز»، - دەلىنگەن حابارلامادا.