– تاۋەلسىزدىكتىڭ نىعايۋىنا ەرلەرمەن بىرگە، ايەلدەردىڭ دە يىق تىرەسە قوسقان ۇلەستەرى زور. ونىڭ اۋىز تولتىرىپ ايتارلىقتاي مىسالدارىن الىستان ىزدەمەي-اق، ءوزىمىزدىڭ ءومىر ءسۇرىپ جاتقان قالامىزدان-اق كەزدەستىرۋگە بولادى. ايەلدەر الماتىنىڭ الەۋمەتتىك-ەكونوميكالىق، ساياسي، رۋحاني-مادەني جاعدايىنا ۇلكەن اسەر ەتۋدە. ولار بۇل سالالاردىڭ دامۋىنا قوزعاۋشى كۇش بولۋدا. قازىرگى تاڭدا مەديسينا، عىلىم سالاسىندا ايەل ادامداردىڭ كوش باستاپ كەلە جاتقانىن كورۋگە بولادى. مەنىڭ ويىمشا، ەلىمىز ءوز الدىنا تاۋەلسىزدىگىن العاننان كەيىن ايەلدەر قاۋىمىنا ەركىندىك پايدا بولدى. سول سەبەپتەن، ۇلكەنىمىز بولسىن، كىشىمىز بولسىن، ازاتتىمىزعا العىسىمىزدى بىلدىرەمىز.
قازىرگى تاڭدا مەنىڭ اعىلشىن تىلىنەن ءبىلىم بەرەتىن ءوز ورتالىعىم بار، ول جەردە ءبىز 6 جاستان 50 جاسقا دەيىنگى قالا تۇرعىندارىنا ءبىلىم بەرەمىز. سوعان قاراپ-اق ادامداردىڭ وركەندەۋگە، ءبىلىم الۋعا دەگەن قۇشتارلىعىن بىلۋگە بولادى.
مەن تاۋەلسىز ەركىن ەلدە ءومىر ءسۇرىپ، ءوزىم قالاعان وقۋ ورنىندا ءبىلىم الىپ، سۇيىكتى ىسىممەن اينالىسىپ جاتقان باقىتتى ۇرپاقپىن.