– قازاقستاننىڭ جاڭا داۋىردە قول جەتكىزگەن بارلىق تابىسىنىڭ قاينار كوزى. تاۋەلسىز ەل بولعاندىعىمىزدىڭ ارقاسىندا عانا قازاقستاننىڭ ءسوزى مەن ءىسىن بۇكىل الەم تانىدى. دۇنيەنىڭ ءبىر بۇرىشىندا قازاق دەگەن حالىقتىڭ ۇلكەن ىستەر تىندىرا الاتىن ورەسى مىقتى، ءورىسى كەڭ حالىق ەكەنىن الەم ءبىلدى. وتىز جىل دەگەنىڭىز، قاراپ تۇرساڭىز از عانا كەزەڭ. ءبىراق وسى جاۋاپتى جىلدار ەلىمىزدىڭ بولاشاعىنا دەگەن ۇلكەن قادامداردىڭ باستاۋى.
بۇگىندە ەلىمىزدى ەكونوميكا تۇرعىسىندا قارقىندى دامىپ كەلە جاتقان مەملەكەت دەپ تانىسا، ءبىر جاعىنان بەيبىتشىلىكتى تۋ ەتكەن، ۇلتتار دوستىعىنىڭ ۇلگىسى دەپ تە تانيدى. ارينە، بۇل رەتتە قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆتىڭ ەسەلى ەڭبەگىن ايتىپ وتكەن ءجون. سەبەبى، تاۋەلسىزدىك پەن ەلباسىنىڭ ەسىمى قاتار جۇرەدى. بارلىق عۇمىرىن ەلگە قىزمەت ەتۋگە ارناپ كەلە جاتقان تۇلعانىڭ ىزگى جولى كەيىنگىگە ۇلكەن ونەگە. بۇگىندە شارتاراپتا وزىندىك بەدەلى، وزىندىك ۇستانىمى بار، وزگەلەردىڭ ءبىزدىڭ ويمەن ساناساتىنداي مەملەكەت دەڭگەيىنە كوتەرىلۋى ەلباسىنىڭ قاجىرلى ەڭبەگىنىڭ ارقاسى.
تاۋەلسىزدىككە جەتۋ قانداي قيىن بولسا، ونى ساقتاپ قالۋ دا سونداي قيىن. بۇگىندە ءاربىر ازامات بابالار اڭساعان ەركىندىكتىڭ قادىرىنە جەتە ءبىلىپ، اقىرەتكە دەيىن تاۋەلسىزدىگىمىزدىڭ باياندى بولۋىنا نيەتتى بولۋ كەرەك.