– قازاقستان – ءبىزدىڭ ەركىن ءارى باقىتتى كۇن كەشىپ جاتقان وتانىمىز. الەمدە ەكى جۇزگە تارتا تاۋەلسىز مەملەكەت بار. ولاردىڭ ءوزى ءتىلى، ءدىنى، ءدىلى، سالتى مەن ءداستۇرى، عۇرپى، مادەنيەتى دامىعان. وعان قوسا، ىشكى جانە سىرتقى ەكونوميكاسى دا قالىپتاسقان. قازاقستان – ءوز ءانۇرانى، ەلتاڭباسى، كوك بايراعى مەن ۇستانىمى بار زايىرلى مەملەكەت. تمد ەلدەرى اراسىندا تاۋەلسىزدىگىن 1991 جىلى 16 جەلتوقساندا جاريالاعان كۇننەن باستاپ بۇل ەلدىڭ ءوز حالقى، وزىنە ءتان ۇلتى مەن ءتىلى بار.
تاريحتىڭ تەرەڭىنە ءۇڭىلىپ، ءاربىر تاس بەتىندە قالعان تاڭبالارعا قاراپ، بابالارىمىز جاساپ كەلە جاتقان داۋىرلەردىڭ ەسەبىندە كەتكەن شايقاستار، اشتىق، جاۋ تىلىندا قالعان جۇرتتىڭ ءاربىر قانى مەن كوز جاسىنا قاراپ، تاۋەلسىزدىكتىڭ قانداي كەرەمەت ۇعىم ەكەنىن سەزىنەمىز. ءبىز بەيبىت ەلدىڭ ۇرپاعىمىز، ءبىز ەركىن ەلدىڭ ۇلاندارىمىز. ءبىراق بىزگە دەيىنگى وسىناۋ ۇلان-بايتاق جەردى، ەلدى اماناتتاپ كەلە جاتقان باتىرلار مەن ۇلى تۇلعالاردىڭ توككەن تەرى ءوز الدىنا ءبىر توبە.
ەلدىڭ ەركىندىگىن اڭساۋ بار، وعان جەتۋ بار جانە ونى ۇستاپ قالۋ دەگەن جاۋاپكەرشىلىك بار. ءۇش ءتۇرلى كەزەڭنىڭ ءۇش ءتۇرلى تاريحى بار. ءبىز وسى كەزەڭنىڭ ۇشىنشىسىندەمىز. ياعني، كەلەشەككە باستاۋشى، كەلەشەكتى جاساۋشى ۇرپاقپىز. ەندەشە، قولدا بار التىننىڭ ءقادىرىن ءبىلۋ، ونى كەلەسى ۇرپاققا اماناتتاۋ جانە جەتكىزۋ – موينىمىزداعى پارىز!