ق ر ۇلتتىق مۋزەيىنىڭ بۇرىنعى ديرەكتورى ءارى ەكس-مينيستر ارىستانبەك مۇحامەدي ۇلىنىڭ ءىسى بويىنشا ايىپتاۋشى تاراپ شەندىنى 9 جىلعا باس بوستاندىعىنان ايىرۋدى سۇرادى، دەپ حابارلايدى Almaty-akshamy.kz.
استانا قالاسى بايقوڭىر اۋدانىنىڭ №2 سوتىندا ارىستانبەك مۇحامەدي ۇلىنىڭ ءىسى بويىنشا تاراپتاردىڭ جارىسسوزدەرى باستالدى.
پروكۋرور ەركەعالي زاكيروۆ ايىپتاۋ قورىتىندىسىن جاريالاپ، ارىستانبەك مۇحامەديۇلىن ق ر قك-نىڭ 28-بابى 3-بولىگى (قىلمىستى ۇيىمداستىرۋ) جانە 189-بابى 4-بولىگى (اسا ءىرى مولشەردە سەنىپ تاپسىرىلعان بوتەننىڭ مۇلكىن ۇرلاۋ جانە يەمدەنۋ) بويىنشا كىنالى دەپ تانۋدى سۇرادى، دەپ مالىمدەدى Azattyq Rýhy.
اتالعان باپتار بويىنشا مەملەكەتتىك ايىپتاۋشى ارىستانبەك مۇحامەديۇلىنا مۇلكىن تاركىلەۋسىز 9 جىل باس بوستاندىعىنان ايىرۋدى، مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرۋدى ۇسىندى.
تاعى ءۇش سوتتالۋشى – الماز نۇرازحان، ازامات كوشەنوۆ جانە ايىم ءسادۋاقاسوۆانى دا پروكۋرور كىنالى دەپ تانۋدى جانە ولاردىڭ ءارقايسىسىنا 8 جىل باس بوستاندىعىنان ايىرۋ جازاسىن تاعايىنداۋدى سۇرادى.
ايتا كەتەيىك، استاناداعى بايقوڭىر اۋدانىنىڭ №2 سوتىندا ارىستانبەك مۇحامەدي ۇلىنىڭ ءىسى بويىنشا نەگىزگى سوت تالقىسى 17 ساۋىردە باستالعان بولاتىن.